Categories

اعلان

Loading…

عمران خان وايي، ټرمپ لیک ورلېږلی او د افغانستان په مسله کې یې ورڅخه مرسته غوښتې

د تاند نوې فیسبوکپاڼه لایک کړئ https://www.facebook.com/taandafg/)

تاند- د امریکا د متحدو ایالتونو ولسمشر ډانلډ ټرمپ نن /دوشنبه/ د پاکستان صدراعظم عمران خان ته په یوه استولي لیک کې په کلکه وغوښتل چې د افغانستان د سولې په پروسه کې دې پاکستان رول ولوبوي.

د پاکستاني رسنیو د راپور له مخې، عمران خان نن په اسلام اباد کې د تلویزیونونو له کوربنو او خبریالانو سره په یوه غونډه کې اعلان وکړ چې ولسمشر ټرمپ لیک ورلېږلی دي.

ده وویل، ټرمپ غوښتنه کړې:«پاکستان دې د افغانستان د سولې په خبرو کې، چې د امریکايي پوځیانو له لوري پر افغانستان د ۱۷ کلن یرغل د پای ته رسېدو لپاره کېږي، رول ولوبوي.»

عمران خان همداراز وویل، ټرمپ له پاکستانه غوښتي چې د طالبانو مشران د خبرواترو مېز ته راولي.

پاکستانۍ ورځپاڼې وايي، ټرمپ وروسته له دې پاکستان ته مخه کړه چې د دوو هیوادونو مشرانو د افغانستان پر سر لفظي جنګ وکړ.

عمران خان وویل چې تل یې په دې باور لرلی چې د افغانستان ستونزه د خبرو له لارې حل کېدای شي.

ټاکل شوې ده چې د افغانستان د سولې لپاره د امریکا ځانګړی استازی زلمی خلیلزاد، چې پرون یې د سیمې ۸ هیوادونو ته سفر پیل کړ، پاکستان ته هم لاړ شي.

خلیلزاد تېر ځل پاکستان ته سفر لغو کړ.

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸