Categories

اعلان

Loading…

د کورنیو چارو وزیر: د کابل د ګډوډیو په تړاو تر ۵۰ ډېر کسان نیول شوي

تاند- د افغانستان د کورنیو چارو وزیر ویس احمد برمک وايي، د کابل ښار د وروستیو دوو ورځو د مظاهرو په لړ کې د ګډوډیو او تاوتریخوالو په تړاو تر ۵۰ زیات کسان نیول شوي دي.

ښاغلي برمک دا خبره نن /سې شنبه/ د مشرانو جرګې په غونډه کې وکړه.

مشرانو جرګې د امنیتي اورګانونو چارواکي د وروستیو پېښو په اړه پوښتنو ته د ځواب ویلو لپاره وربللي وو.

د کورنیو چارو وزیر وویل، له قانون سره سم باید تر هر ډول مظاهرې وړاندې پولیسو ته خبر ورکړل شي او که دا کار ونه شي غیرقانوني ګڼل کېږي.

د یکشنبې او دوشنبې په ورځو د یوه غیرمسوول وسله وال قوماندان علیپور د نیول کېدو پر خلاف د کابل د دشت برچي د سیمې سلګونه اوسېدونکي بې له دې چې پولیسو ته خبر ورکړي په خپل سر کوڅو ته راووتل، د پولیسو پر پوستو یې بریدونه وکړل.

د کورنیو چارو وزارت په وینا د مظاهره چیانو په حملو کې تر ۲۰ زیات پولیس ژوبل شوي او ګڼ موټرونه یې سوځول شوي دي.

په همدې حال کې پولیس وايي چې د هغو کسانو عکسونه او ویدیوګانې یې له ځان سره ساتلي چې عامه او ملي شتمنیو ته یې تاوان اړولی دی.

2,136 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸