Categories

اعلان

Loading…

دا افغانستان دی!!!  رحیم خان شيدا 

دلته دا شل کاله کېږي چې ويل کېږي، پنځه زره کلن تاريخ لرو، خو دا تاريخ لا تر اوسه هم نه پنځه زره لسم شوی او نه پنځه زره شلم شوی دی؛ شايد لامل يې دا وي چې دلته د پښتانه و هزاره، ازبک و تاجک او نورو ټولو قومونو خبره، يوه خبره وي او په همدې خاطر دا پنځه زره کلن تاريخ نه کمېدلی او نه زياتېدلی شي!؟

دا افغانستان دی!

دلته حکومت و سياست او مذهب و ادب ته ورته د نورو ارزښتونو په اړه، په درواغو ويلو خلک خوشحالېږي او په رښتيا ويلو نه يوازي خفه کېږي، بلکې له غصي سکروټه کېږي، اور کېږي او د همدې اور په پايله کې له ځان ايرې کولو سره – سره په سيمه کې انسانان و مرغان او حيوانات و نباتات هم ورسره خاورې و ايرې کېږي.

دا افغانستان دی!

دلته چې هر چا نظافت و نزاکت مراعت کړی، دلته چې هر چا انسانيت و محبت ته ارزښت ورکړی، دلته چې هر چا د ژوند په چارو کې، علميت و عقلانيت ته وخت ورکړی او دلته چې هر چا خدمت او د بل عزت کړی، هغه پر ککرۍ – ککرۍ وهل شوی، رټل شوی او آن وژل شوی دی؛ خو ددې برعکس دلته چې څوک هر څومره تر نورو ډير شډل – پډل ګرځېدلی شي، دلته چې هر څوک تر نورو ډيرغل کېدلی شي، دلته چې هر څوک تر نورو ډير وطن ورانولی و سوځولی شي او دلته چې هر څوک تر نورو ډير وطنوال وژلی و ژوبلولی شي، هغو ته هم عزت ورکول کېږي، هم رياست ورکول کېږي او هم د ملت و مملکت قهرمان بلل کېږي.

دا افغانستان دی!

دلته هم د کورو، کالو او ډوډيو ورکولو په ژمنو خلک پر ځان راټولی شئ او هم د اسلام ژغورلو په نوم خلک غولولی شئ؛ دلته هم د مشروع نظام پر ضد بغاوت کولی شئ، هم د وطن پر ضد د وطن له دښمنانو پيسې و وسلې تر لاسه کولی شئ، هم پر همدې پيسو و وسلو وطن ورانولی شئ؛ هم د وطنوالو د اوښکو او وينو بهولو له طريقه شراب و کباب تر لاسه کولی شئ او هم عياشي و بدمعاشي کولی شئ.

له دې ټولو خيانتو و جنايتو سره – سره پرته له انتقالي عدالته د سولې د پروسي په ترڅ کې بخښل کېدلی هم شئ!؟

دا افغانستان دی!

دلته په جووو و پټو کې بوجي کولی شئ، په ويالو و باغو کې واښه ريبلی شئ، له غرو و دښتو لرګي راوړلی شئ، صحرا کې تکي – تنها رمې پوولی شئ، خو مکتب و پوهنتون ته نشی تللئ.

دا افغانستان دی!

دلته د څلورو ديوالو په منځ کې، د کاکا و ماما او خاله و امه له زوی سره د هر رنګه يارانې تار غوځولی شئ؛ زيارتو و هديرو کې هر رنګه نندارې و تماشې کولی شئ، ملايانو و ملنګانو ته تکي – تنها ورتللی شئ، هلته په ساعتونو – ساعتونو ورسره اوسېدلی او آن د دم و چپ په نامه يې په لنګر کې په شپو – شپو پاتېدلی شئ؛ خو د روغتيا د سلامتيا په موخه روغتون ته نه شی تللئ، د حلالي روزي تر لاسه کولو په موخه دفتر کې کار نه شی کولئ او د کور د ضرورتونو د پوره کولو په موخه بازار ته نه شی وتلائ.

هو؛

دا افغانستان دی!

د همدې جانان افغانستان ستونزي او مشکلات دومره زيات دې، چې په ساعتو – ساعتو بحث کولو او لويو- لويو کتابو ليکلو باندي هم پوره نشي تشريح کېدلی؛ ځکه چې:

دا وطن په ظلم دومره ویران شوی
چې فاسد دی له پوښښه تر تهدابه

خو اوس پوښتنه داده چې له دې ټولو ستونزو سره –سره، دلته څنګه ګوزاره کولای او څنګه ژوندي پاتې کېدلای شئ؟

ځکه:

ددې وطن په نصيب نه دې رسيدلې خلګ
چي ميندلي دي په کاڼو يي ويشتلي خلګ 

همدارنګه، څنګه دا ښايسته، خو سرچپه افغانستان ژغورلی او رغولی شئ؟

او يوه بله پوښتنه داده چې څنګه د وجدان له عذاب سره – سره جانان افغانستان همداسي وران و ويران پرېښودلای شئ؟

ځکه:

چې احساس لرم سوځېږم
چې بې حسه سم ورکېږم
نه طاقت مې د سکون شته
نه همت د اضطراب

کابل – افغانستان

۱۳۹۷/۸/۳۰

1,472 total views, 2 views today

onesignal_meta_box_present:
1
onesignal_send_notification:

1 comment

  1. شاهین افغان Reply

    ښه لیکنه ده ، خو یوه ضروري سمونه :
    غوسه پښتو کلیمه ده او په س لیکل کيږي. د عربي غوصه بیا لامبو وهلو ته ویل کیږي. غواص بیا هغه څوک چې لامبو وهی.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2