Categories

اعلان

Loading…

طالبان وايي د ستار سیرت په مشرۍ دې موقت حکومت جوړ شي

تاند- اسوشیتید پریس خبري اژانس وايي، په قطر کې د طالبانو د سیاسي دفتر غړیو د افغانستان د سولې لپاره د امریکا ځانګړي استازي ته ویلي چې د ستار سیرت په مشرۍ دې موقت حکومت جوړ شي.

طالبانو، چې تر څه مودې پخوا پورې یوازې له افغانستانه د بهرنیو پوځیانو د وتلو غوښتنه لرله، اوس ګڼې نورې غوښتنې مطرح کوي.

اسوشیتید پریس خبري اژانس وايي، دوو سرچینو، چې په دوحه کې یې د طالبانو له استازو سره د زلمي خلیلزاد د خبرواترو په اړه معلومات لرل، ورته ویلي چې طالبانو د اوربند لپاره د زلمي خلیلزاد وړاندیز رد کړ او د راتلونکي لمریز کال د حمل په ۳۱ مه نېټه یې د ولسمشرۍ له انتخاباتو سره هم مخالفت وکړ.

د سرچینو په وینا طالبانو د انتخاباتو پر ځای د ۸۱ کلن ستار سیرت په مشرۍ د موقت حکومت د جوړېدو غوښتنه وکړه.

سیرت، چې د یونس قانوني باجه دی، په ۲۰۰۱ م کال د موقت حکومت د مشرۍ لپاره د شمال ټلوالې کاندید و خو د دې ټلوالې په وینا هماغه مهال امریکایانو اصرار درلود چې باید د موقتې ادارې مشر یو پښتون وي.

طالبانو په داسې حال کې سیرت د موقتې ادارې د مشر په توګه وړاندیز کړی چې خپل مشر هیبة الله ته امیرالمومنین وايي.

په همدې حال کې طالبانو نن په یوه خبرپاڼه کې وویل چې امریکايي پلاوي په قطر کې د طالبانو د سیاسي دفتر له استازو سره د افغانستان د مسلې د سوله ییز حل په اړه خبرې کړي دي.

د دې ډلې ویندوی ذبیح الله مجاهد د زلمي خلیلزاد په مشرۍ له امریکايي لوري سره د طالبانو د قطر د دفتر د غړیو خبرو ته په اشارې ویلي چې په دې خبرو کې طالبانو په افغانستان کې د اسلامي حکومت د جوړېدو پر اړتیا ټینګار وکړ خو په نهایت کې له امریکايي پلاوي سره پر هیڅ موضوع موافقې ته نه دي رسېدلي.

3,908 total views, 1 views today

onesignal_meta_box_present:
1
onesignal_send_notification:

4 comments

  1. razmohammed mohmend Reply

    salamoalikum;i have respect to sirat sahib;but now is sirat sahib getting too
    old and he not able to take leadership in this time,
    second he is mulah he can do only justice.
    AFGHANISTAN NEED TO ONE POLITICIAN WHO KEEPS BALANCE OF
    DIFFERENT POWERS/
    THANK YOU

  2. صالحزوی Reply

    عبدالستار سیرت
    پدې ورځو کې د ښاغلي عبدالستار سیرت نوم یوځل بیا په خواله رسنیو کې ډېر یادیږي. غواړم د دغه مشهور شخصیت په باب لنډ مالومات له تاسو سره شریک کړم.
    ښاغلي عبدالستار سیرت د 1937 کال د اکتوبر په 15 چې د 1316 لمریز لېږدیز سره برابر دی ، د افغانستان په سمنګان ولایت کې زېږېدلی دی. مورنۍ ژبه یې ازبکي ده په دري ، انګلیسي او عربي ژبو هم تسلط لري.
    ښاغلی سیرت سیاستمدار او حقوق پوه دی چې د مرحوم محمد ظاهر شاه د سلطنت په وخت کې له 1969 تر 1973 پورې د افغانستان د عدلې وزیر وو.
    ښاغلي سیرت د روم له استازو نه وو چې د محمد ظاهرشاه په پلوي یې په
    2001 کال کې د طالبانو د رژیم له سقوط نه وروسته د افغانستان د قدرت د وېش لپاره د بن په کنفرانس کې برخه واخیسته . ښاغلي سیرت د انتقالي دولت د ریاست لپاره 11 رایې او ښاغلي حامدکرزي 3 رایی تر لاسه کړې وې. اما ښاغلي سیرت د قومي مسایلو د حساسیت له امله د ښاغلي حامد کرزي په ګټه تېر شو.
    ښاغلي عبدالستار سیرت د امریکا د « پسیفیک وسترن کالیفرنیا » له پوهنتون نه د اسلامي مطالعاتو په رشته کې د دوکتورا تر سوېې درس ویلي دی چې له 1975 کال راپدې خوا د سعودي عربستان د مکې معظمي ښار د « ام القرا » په پوهنتون کې د اسلامي مطالعاتو استاد دی.
    ښاغلي سیرت دافغانستان د جمهوري ریاست لپاره په 1383 کال کې ځان کاندید کړی وو چې له افغانستان نه د اوږدې مودې د لرې والي له امله یواخې « 1 » سلنه رایی تر لاسه کړې وي.
    د ښاغلي سیرت علمي آثار :
    د قرآنکریم او مبارکو نبوي احادیثو معنی او ترجمه
    نور دولس علمي آثا په دري ، عربي ، انګلیسي او فرانسوي ژبو د اسلام او سیاسی حقوقو په برخه کې.
    اخیستنه او ژباړه له ویکیپیدیا نه

  3. غلام حضرت Reply

    که ژوندی ؤ تر دې به لا نوری عجائبي هم ووینو

  4. MHA Reply

    “خو د دې ټلوالې په وینا هماغه مهال امریکایانو اصرار درلود چې باید د موقتې ادارې مشر یو پښتون وي”.
    I heard from a US senator, about this, saying that the former king Zahir shah suggested the head of the interim government shall be Pashtun and the US representatives accepted what Zahir Shah said. Hamid Karzai was not the US choice at the beginning.

Leave a Reply to MHA Cancel reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2