Categories

اعلان

Loading…

خوندور الفاظ | عصمت الله صالح‎

اپلاتون د سوکرات له خولې کاینات په دوه برخو وېشلي، چې یو ته یې بشپړ او بل ته یې نابشپړ کاینات وايي. له بشپړو د دوی هدف ماوراءالطبعیة دی. او نابشپړ یې هغه محدوده بولي چې د انسان له‌پاره غوره شوې. دوی دا هم زیاتوي چې نابشپړ ـ دغه چې موږ پکې اوسو – د هغه بشپړو سیوری یا کاپي ده.

په دې برخه کې ټولې ترلاسه شوې تیورۍ په ډاګه کوي، چې د سوکرات دغه ادعا کلونه وروسته پر اسلامي تصوف دروند سیوری وغوړاوه او د دې لارې پیروانو په ناخودګاه ډول بېلابېل افکار ایجاد کړل.

اوس پوښتنه دلته ده چې د سوکرات له خولې د اپلاتون دې اند یوازې پر اسلامي تصوف څه ور‌زیات کړل او که په نورو ادیانو کې یې هم د تظاهر نښې حس شوې؟

د دې پوښتنې په ځواب کې پر نورو ادیانو د دې مفکورې تاثر ته هم اشاره کېږي، چې پر اساس یې تصوف تقریباً په ټولو ادیانو کې د یوې ځانګړې لارې په توګه پېژندلای شو. خو ممکن ځینې کسان، ننني اهل‌التصوف ته په کتو، شکمن شي او وپوښتي چې آیا د پیرانو او مذهبي سرلارو ترمخ ګډا او پرله‌پسې سجدې هم د هاغه تصوف پاتې‌شوني دي؟

هو. خو دغه د دوی هغه ناعملي شوې مفکوره وه، چې انساني نیمګړتیا ته په درک‌کېدو ترې په لا‌شعوري ډول بیان شوې وه. ځکه دوی په ناخبرۍ د عقل په پرتله عشق ته لومړیتوب ورکړ، چې عملي مثالونه یې بیا معاصرو پیروانو ښه په جوش وپالل او له ژوند سره یې خاصې جګړې ته مټې رابډې وهلې. له اسلام پرته په نورو ادیانو کې هم دې ډول افکارو د ډېرو کسانو ورځنۍ چارې ورنګولې. خو په دې برخه کې د هند مشهور شاعر، رابندراناتهـ ټاګور، و چې په خپلو اشعارو کې یې له عقل سېوا عشق عظیم جنونیت وباله او له خپل دې ځواکه یې تر ډېره د ژوند د بېلابېلو جمالیاتو په رغښت کې استفاده وکړه.

ټاګور له ژونده د یو دردېدلي کس غوندې ژوند ته خاندي او دا خندا یې تش شعار نه، بلکې د ژوند د هر بُعد د ستاینې پرله‌پسې زمزمې بللای شو.

د ټاګور یو اثر “گیتانجلي” دی. په دغه کتاب کې د ده د هنر هغه مثالونه راغلي چې عشق پکې ښه پالل شوی او د عظمت بیان یې په خوندورو الفاظو پېیل شوی دی.

ټاګور وایي:

“دا چې؛ “زه تا غواړم، یوازې تا” زما په زړه کې بې‌شماره تکرار ساته . ټولې آرزوګانې چې ما د شپې او ورځې پرېشانه کوي، درواغ دي او بېخي تشې.

لکه شپه چې په خپله توره تیاره کې د رڼا امید پټ ساتي، همدغه رنګه زما د بې خبرۍ په تل کې دا آواز آزانګه کوي چې، زه تا غواړم یوازې تا.

زما انحراف د هغه طوفان په څېر چې په خپل ټول قوت امن ماتوي او بیا هم په امن پسې لالهانده ګرځي، ستا مینې ته صدمه رسوي خو بیا هم دا آواز ځنې خېژي چې زه تا غواړم یوازې تا.”

دغه کتاب په ۱۹۱۳ع کې د نوبل جایزه اخیستې او د پُرپیغامه سندرو پښتو ژباړه یې استاد عبدالروف بېنوا کړې، چې په ۱۳۳۶هـ ش کې لومړی ځل چاپ شوې ده.

په ګیتانجلي کې د هر شعر منثوره ژباړه، لوستونکی د ټاګور غوندې پر یو بل ژوند مینوي او د مرګ پر فلسفه یې روږدوي. مرګ ته موسکېدل، د ټاګور هغه ځانګړنه ده، چې تمامو کیفیاتو د تقدس څاڅکي ورڅڅوي.

646 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2