Categories

اعلان

Loading…

طالبان وايي، که امریکا د ځواکونو پر ایستلو سلا شي، جنګ دروي

تاند- د افغانستان د سولې د عالي شورا او طالبانو استازو د مسکو په غونډه کې، چې د روسیې د بهرنیو چارو وزیر په وینا پرانیستل شوه، ګډون وکړ.

د افغانستان د سولې د عالي شورا د پلاوي غړي د لاوروف یا د غونډې د کوربه په ښۍ خوا کې او د طالبانو استازي یې په کیڼه خوا کې ناست ول.

عباس ستانکزی د طالبانو د ۵ کسیز پلاوي مشري کوي او حاجي دین محمد د سولې د عالي شورا د درې کسیز پلاوي مشر دی.

د افغانستان حکومت ویلي چې د سولې د عالي شورا پلاوی د حکومت استازیتوب نه کوي.

له غونډې وروسته د طالبانو استازو له رسنیو سره په خبرو کې وویل چې که امریکا اعلان وکړي چې له افغانستان څخه ځواکونه باسي، طالبان حاضر دي چې سوله وکړي.

امریکا د ۲۰۱۴ کال تر پای ته رسېدو مخکې له افغانستان څخه په درو پړاوونو کې د خپلو ټولو پوځیانو د تدریجي وتلو اعلان وکړ خو طالبانو هغه مهال ټینګار کاوه چې تر څو یو امریکايي پوځي هم په افغانستان کې وي، دوی خبرې نه کوي.

2,482 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸