Categories

اعلان

Loading…

محمد یونس فدا: نه حکمتیار او نه هم اسلامي حزب د سمیع الحق په مرګ خواخوږي ښودلې ده

تاند – د افغانستان د اسلامي حزب د مطبوعاتي او فرهنګي کمېسیون غړی محمد یونس فدا وایي چې نه د هغوی ګوند او نه یې هم مشر د پاکستان د جمعیت علمای اسلام د مشر ملا سمیع الحق په مرګ څه نظر ورکړی دی.

ښاغلي فدا دا وینا په خپل فیسبوک خپره کړې او لیکلي یې دي، «نه حکمتيار او نه هم حزب اسلامي د سميع الحق د مرګ په اړوند نظر ورکړی او نه دا هم دومره مهمه مسله ده چي مونږ پري تبصره وکړو،»

فدا له تاند سره په خبرو کې خپل نظر تکرار کړ، او ویې ویل چې نوموړی د حزب د رسنیو د کمېسیون غړی دی او هغوی داسې هېڅ بیان نه دی خپور کړی.

ښاغلي فدا وویل، «حزب اسلامي افغانستان او امير يي تر اوسه د مولانا سميع الحق د ترور په اړوند هيڅ رسنۍ ته نظر نه دی ورکړی او نه هم د هيواد او نړۍ په پيچيده قضاياوو کي دا ډيره مهمه مسله بولي. هر رسنيز چينل چي ورته خبرونه خپاره کړي د مهربانۍ له مخي دي ووايي چي مشر له کومې ليارې دوی ته نظر ورکړی. آيا غږيز پيغام يي ورليږلی، انځوريز پيغام يي ورليږلی او که يا هم کوم ليک يي ورليږلی، دا دي ځانګړی کړي. حزب اسلامي افغانستان د رسنيو دا خپل سري راپورونه د رسنيزو نزاکتونو نه رعايت بولي او دا پر دي تعبيروي چي ګويا رسنۍ خپلواکې نه دي او د نورو تر اغيزې لاندي دي،»

د شنبې په ورځ /د نومبر ۳مه/ د پاکستان له کراچۍ ښار څخه د مذهبي افراطیانو اړوند، امت ورځپاڼې، چې ویل کیږي د پاکستان د پوځ او استخباراتي ادارو له خوا حمایه کیږي، په یوه خبر کې لیکلي وو چې د اسلامي حزب مشر ګلبدین حکمتیار د ملا سمیع الحق په مړینه خفګان ښودلی او د نوموړي زوی حامد الحق سره یې خواخوږي څرګنده کړې ده.‌

امت د ښاغلي حکمتیار له قوله لیکلي چې سمیع الحق له افغان عوامو سره ښه کړي او څو چې دنیا وي د افغانستان په جهاد کې به د هغه نوم ژوندی پاتې وي.

سمیع الحق د جمعې په ورځ /د نومبر ۲مه/ د پاکستان په راولپنډۍ ښار کې ووژل شو او وروسته پاکستاني رسنیو د هغه د وژل کېدلو په کوټه کې د شرابو بوتل او یو شمېر نور نامأنوس توکي وښودل.

2,181 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸