Categories

اعلان

Loading…

د ارواپوهنې بل مهم کتاب چاپ شو

د ارواپوهنې یو مهم کتاب له انګرېزۍ پښتو ته وژباړل شو، چې د ارواپوهنې مینه والو ته زېری ګڼل کېږي. په دې کتاب کې پر روانو ستونزو د غلبې لپاره مهمې لارښوونې او تمرینونه شته.

په ۳۵۰ مخونو کې دغه کتاب د صالح محمد صالح له خوا ژباړل شوی او سروش کتابپلورنځي خپور کړی دی.

لیکوالې د کتاب په وروستیو کې د خپل ژوند غموونکی داستان بیان کړی، چې څه ناخوالې ورباندې راغلي او څنګه توانېدلې نورو ته سرمشق شي.

د خپرندوی یادښت

د مېرمن لویس. ایل. هې کتابونو په نړۍ کې د ملیونو انسانانو ژوند ته مثبت بدلون ورکړی دی.

د لیکوالې باور دا دی چې غواړي له هغو کسانو سره په رواني او ذهني لحاظ مرسته وکړي، چې نه ورسره پېژني او نه یې ورسره کتلي دي. د هغې اثار په صوتي (اډیو) بڼه هم په نړۍ کې خرڅېږي او خلک یې اوري.

د دې پېژندل شوې امريکايي ليکوالې نږدې ۲۷ عنوانه کتابونه چاپ شوي چې اکثره یې له ځان سره د مرستې او له رواني کړکېچونو د وتلو پر لارو چارو راڅرخي.

«ځان ته دې شفا ورکړه» د هغې لومړی اثر دی، چې د ۱۹۸۴م کال د جنورۍ پر لومړۍ نېته د اول وار لپاره چاپ شو، خو دغه کتاب بیا- بیا چاپ شوی او د نړۍ په ډېرو پلورل شویو کتابونو (Bestseller) کې راځي.

لیکواله په دې کتاب کې د ښځو د پیاوړتیا او په خپلو پښو د درېدلو لپاره هم ځینې تاییدي عبارتونه راوړي، د نورو عوامو لپاره له اندېښنو او روانو فشارونو د بچ کېدو لپاره ځینې تمرینونه پېشنهاد شوي دي.

د کتاب لوستل تاسو ته جرئت درکوي، چې بېځایه اندېښنې، بېرې او وسواس ته «نه» ووایاست او په ساده لارو چارو له بېځایه باورونو ځانونه وساتئ.

اوسنی کتاب په ۲۰۰۷م کال کې د مستند فلم په څېر هم خپور شوی چې یو ساعت او ۳۰ دقیقې دی.

مېرمن لویس اېل. هې چې د ۱۹۲۶م کال د اکتبر پر ۸مه د امریکا په کلیفورنیا ایالت کې زېږېدلې وه، د ۲۰۱۷م کال د اګست پر ۳۰مه په دغه ایالت کې د ۹۱ کلونو په عمر له دې نړۍ سترګې پټې کړې.

صالح محمد صالح چې له ۱۳۸۶ل کال راهیسې یې کوم کتاب نه و چاپ شوی، دا دی اوس له یوه بل اثر سره بیا ډګر ته راوځي. دا د ده شپاړسم اثر دی، چې ۳ یې لیکلي او نورې یې ژباړې دي.  دا د ارواپوهنې پر موضوع د ده پنځم اثر ګڼل کېږي.

ښاغلي صالح دغه اثر له انګرېزۍ ژباړلی، چې تر ډېره حده یې په متن کې امانتدارۍ ته دقت کړی دی. ځینو اصطلاحاتو یا هم کلماتو ته په لمنلیک کې تشریح لیکلې ده.

له ډاکټر مجب زغم مننه چې د دې کتاب د پنځلسم فصل د طبي اصطلاحاتو په اصلاح کې مرسته کړې ده.

په درناوی

سروش کتابپلورنځی

دا کتاب له دغو ادرسونو ترلاسه کولای شئ:

کابل:

سروش کتابپلورنځی، مینه یار مارکېټ، د درېیمې ناحیې کوڅې ته نږدې،میرویس میدان (کوټه سنگي) کابل

جلال اباد:

مومند، ختیځ او مازیګر کتابپلورنځي

کندهار:

کروړ کتابپلورنځی کندهار سوپر مارکېټ- عینو مېنه

پکتیا:

روحاني بابا کتابپلورنځی، پکتیکا: مجاهد کتابپلورنځی

خوست:

ژوندون، رحیمي او رڼا کتابپلورنځي

غزني:

انصاري کتابپلورنځی

1,231 total views, 5 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2