Categories

اعلان

Loading…

متیس: په افغانستان کې له تشدد سره یوځای د سولې لور ته پرمختګ کېږي

تاند- د امریکا دفاع وزیر جېمز متیس، چې عموماً په افغانستان کې د حکومتي ځواکونو او طالبانو د جګړې د وضعیت په اړه څه نه وايي، د سې شنبې په ورځ وویل چې د سږ کال په اګست او سپټمبر میاشتو کې تر ۱۰۰۰ زیات افغان امنیتي او دفاعي ځواکونه وژل شوي یا ټپیان شوي دي.

متیس، چې د امریکا د متحدو ایالتونو د سولې انستیتیوت غونډې ته خبرې کولې وویل«افغان ځوانان جګړه پرمخ بیايي، یوازې د دوی مرګ ژوبلو ته وګورئ… په اګست او سپټمبر کې تر زر زیات ځوانان وژل شوي یا ټپیان شوي، او دوی په میدان کې جګړې ته لا هم دوام ورکړی دی.»

له زیاتو تلفاتو سره سره متیس افغان ځواکونه په دې وستایل چې طالبان یې نه دي پرې ایښي چې د ولایتونو مرکزونه ونیسي او یا د افغانستان انتخابات ګډوډ کړای شي.

د امریکا دفاع وزارت تر ۲۰۱۷ م کال پورې د افغان امنیتي او دفاعي ځواکونو د مرګ ژوبلو شمېر خپراوه خو له هغه راوروسته یې د افغانستان د حکومت په غوښتنه د افغان ځواکونو د مرګ ژوبلو په اړه د معلوماتو له وړاندې کولو ډده کړې ده.

د امریکا دفاع وزیر د جمعې په ورځ له واشنګټن څخه دباندې په یوه کنفرانس کې پوځي خبریالانو ته وویل، د افغان ځواکونو د تلفاتو په اړه د معلوماتو د خپرولو په اړه پرېکړه د دې لپاره شوې چې د افغانستان ولسمشر محمد اشرف غني نه غواړي چې په دې اړه جزییات څرګند شي.

د امریکا دفاع وزیر او لوی درستیز دواړه وايي چې له طالبانو سره د سیاسي پخلاینې لپاره سیمه ییزه ستراتیژي د پرمختګ په حال کې ده.

متیس وویل«زموږ له نظره دا ستراتیژي نتیجه ورکوي، خو څه چې منل یې دردوونکي دي، دا دي چې پرمختګ او تشدد خوا په خوا روان دي.»

جېمز متیس وايي، په افغانستان کې د امریکا او نړیوالو ځواکونو شمېر، چې په ۲۰۱۳ کې له یولکو ۴۰ زره تر یولکو ۵۰ زرو پورې وو، اوس شاوخوا ۱۵ زره دی، خو له دې سره سره د افغانستان امنیتي وضعیت هومره خراب شوی نه دی.

ده دا یو پرمختګ وباله.

714 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2