Categories
TwitterFacebookPinterestGoogle+

اعلان

Loading…

۸

په بریتانیا کې یو افغان چې ځان یې معیوب ښودلی و، ونیول شو

تاند- په بریتانیا کې یو افغان کډوال، چې په دې پلمه، چې د ملا درد لري او کار نه شي، کولی په تېرو ۱۱ کلونو کې له حکومت څخه ۳۰ زره پونډه اخیستي وو خو اوس څرګنده شوې ده چې ۴ ځایه په پټه کار کاوه.

د ډیلي مېل ورځپاڼې د راپور له مخې، ۳۱ کلن رسول قدیر، چې د ملا د معیوبوالي په پلمه له حکومت څخه مرسته ترلاسه کوله او ویل یې چې کار نه شي کولی په یوه دوکان، یوه کېک پلورنځي، د کارموندنې ادارې او د ویټامینو په یوه کمپنۍ کې کار کاوه.

د قدیر راز څلور کاله وروسته له دې معلوم شو چې کوم چا حکومت ته د ده په اړه معلومات ورکړل.

رسول قدیر وايي، په دې نه پوهېده چې غیرقانوني کار کوي ځکه چې په انګلیسي ژبه نه پوهېده او د بریتانیا د امتیازونو یا بینیفیټ په سیستم نه پوهېده.

قدیر په محکمه کې په دوو ځایونو کې پر پټ کار کولو اعتراف وکړ او دغه راز یې ومنله چې د امتیازونو د ترلاسه کولو لپاره یې دروغ ویلي و.

محکمې دی په ۳۰ میاشتې قید محکوم کړ خو قاضي وروسته وویل چې په دې شرط په ضمانت خوشي کېدای شي چې د ۲۰۳۰ کال تر مې میاشتې پورې د میاشتې ۱۷۵ پونډه بېرته ورکړي.

ده تراوسه پورې ۳ زره پونډه ادا کړي دي.

قدیر په ۲۰۰۳ م کال بریتانیا ته له خپل پلار سره مهاجر شو. هماغه مهال دی ۱۶ کلن و.

onesignal_meta_box_present:
onesignal_send_notification:

1 comment

  1. MHA Reply

    He learned how to tell lies and steal but did not go to school to learn and find good job.

Leave a Reply

Your email address will not be published. Required fields are marked *