Categories

اعلان

Loading…

جنګ که سرطان ډېر افغانان وژني؟

تاند- د افغانستان د عامې روغتیا وزارت وايي، هر کال شاوخوا ۲۰ زره افغانان د سرطان په ناروغۍ اخته کېږي چې ۱۵ زره یې مري.

د عامې روغتیا وزارت یوه چارواکي ډاکتر سید حبیب اروال د چهارشنبې په ورځ /اکتوبر۳۱/ رسنیو ته وویل چې په افغانستان کې تر ټولو عام سرطان د سیمې سرطان دی.

«په هرو ۹ ښځو کې یوه د تي په سرطان اخته کېږي او له همدې کبله د سینې سرطان د ماشوم په زېږولو تر مړینو وروسته د ښځو لپاره تر ټولو وژونکې ناروغي ده چې دا د اندېښنې وړ ده. خو په مجموع کې هر کال ۲۰ زره تنه په سرطان اخته کېږي او ۱۵ زره یې مري.»

دا په داسې حال کې ده چې په نورو هیوادونو کې د سرطانونو په منځ کې د سینې سرطان تر نورو په اسانه تشخیص کېږي او اکثره ناروغان یې درمل کېږي.

ډاکتر اروال هم وايي چې د سینې د سرطان مخنیوی او معالجه ممکنه ده خو شرط دا دی چې په وخت تشخیص شي.

د روغتیا نړیواله اداره وايي چې سرطان په نړۍ کې د مړینو دوهم لوی علت دی. د دې ادارې د راپورونو له مخې په روان ۲۰۱۸ م کال په نړۍ کې له ۹ ملیونه او ۶ لکه تنه مړو شویو څخه یو ملیون او ۶ لکه په سرطان مړه شوي دي.

د روغتیا د نړیوالې ادارې پر اساس د سرطان په ناروغۍ په سلو کې ۷۰ مړینې په بېوزلو او کم عاید لرونکو هیوادونو کې کېږي.

د دې ادارې پر اساس په هرو درو کې یو تن د خوراکي رژیم، د مېوې او سبزیو د نه خوراک، د جسمي فعالیت د کموالي، د تمباکو او الکولو د استعمال له کبله په سرطان اخته کېږي.

په افغانستان کې د سرطان د تشخیص او درملنې امکانات خورا لږ دي. د عامې روغتیا وزارت وايي چې یوازې دوه مرکزونه په ټول هیواد کې شته چې یو د کابل په جمهوریت روغتون کې دی او بل د کابل په استقلال روغتون کې. خو دا وزارت په پام کې لري چې د کابل په طبي پوهنتون کې هم یو مرکز جوړ کړي.

د روغتیا د نړیوالې ادارې د راپور پر اساس په نړۍ کې تر ټولو زیات سرطانونه دا دي:

د سږو سرطان: ۲ ملیونه او ۹ زره

د سینې سرطان ۲ ملیونه او ۹ زره

کالوریکټل سرطان ۱ ملیون او ۸۰ زره

د پروسټېټ سرطان ۱ ملیون او ۲۸ زره

د پوستکی سرطان یو ملیون او ۴ زره

د معدې سرطان ۱ ملیون او ۳ زره

په کوم سرطان ډېر خلک مري:

د سږي سرطان ۱ ملیون او ۷۶ زره

د کالوریکټل سرطان ۸ لکه او ۶۲ زره

د معدې سرطان ۷ لکه ۸۳ زره

د ځیګر سرطان ۷ لکه ۸۳ زره

د سینې سرطان ۶ لکه ۲۷ زره

د روغتیا نړیواله اداره وايي چې که وقایوي تدابیر عملي شي له ۳۰ تر ۵۰ سلنه سرطانونو مخه نیول کېدای شي.

د سرطان په اړه په تاند کې ګڼې لیکنې خپرې شوي، ویې ولولئ.

1,949 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2