Categories

اعلان

Loading…

ایران وايي، یوې سُني ډلې د دوی ۱۴ پوځیان تښتولي

تاند- ایران وايي، د دغه هیواد د رضاکار ځواک ۱۴ غړي د نفوذي عناصرو له لوري مسموم شوي او بیا پاکستان ته تښتول شوي دي.

د ایراني چارواکو په وینا دا کسان نن سهار وختي د ۴ او ۵ بجو ترمنځ د ایران او پاکستان د سرحدي بندر میرجاوې د لولکدان په صفري نقطه کې تښتول شوي دي.

د ایران په سیستان او بلوچستان ولایت کې د ایران د قدس مځکني ځواک نن /سې شنبه/ په یوه خبرپاڼه کې ویلي چې له ایراني رضاکار ځواک (بسیجیانو) سره د انقلاب ضد نفوذي عواملو خیانت او چل کړی، لومړی یې هغوی مسموم کړي او بیا یې د پاکستان خاورې ته بېولي دي.

ایراني رسنۍ وايي چې د «جیش الظلم» ډلې، چې ګومان کېږي بلوچ یا سُني بېلتون غوښتونکي وي، ایراني ځواکونه پاکستان ته وړي او ایران د پاکستان له حکومته غوښتي چې د دغو کسانو په ژغورلو کې مرسته وکړي.

خو د «جیش العدل» په نوم سُني ډلې ویلي چې دوی د ایران د بسیج ځواکونه تښتولي دي.

ایران دا ډله تروریستي او په سعودي او امریکا پورې تړلې بولي او همداراز د جیش العدیل پر ځای یې جیش الظلم نوموي.

جیش العدیل سُني ډلې ویلي«ځواکونه مو نن سهار په میرجاوه ولسوالي کې د جنایتکارو ځواکونو پر یوې څارونکې پوستې په حمله کې بریالي شول چې د دې اډې ځواکونه په بشپړ ډول بې وسلې کړي.»

په ځینو راپورونو کې ویل شوي چې د ۱۴ تښتول شویو ایراني ځواکونو په منځ کې دوه تنه استخباراتي مامورین هم شامل دي.

د ایران په بلوچستان ولایت کې په ځلونو د سُني جیش العدیل ډلې او ایراني ځواکونو ترمنځ خونړۍ نښتې شوي دي.

د ایران په بسیج یا رضا کارو ځواکونو کې تر ټولو متعصب عناصر راټول شوي او له همدې کبله یې په بلوچستان کې ځای پرځای کړي دي.

3,408 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *