Categories

اعلان

Loading…

افغان ولس د حکومت د بې وسۍ تشه هېوادپالو ته په رايه ورکولو ډکولی شو

عبدالکریم رحیمزی

موږ ټول پوهېږو چې ولسي جرګې ته د کاندیدانو په منظورۍ کې د افغانستان اساسي قانون په پام کې نه دی نیول شوی او ډېر داسې کسانو ته چې د قانون پر بنسټ، د کاندیدېدو وړتیا يې نلرله، د کاندیدۍحق ورکړل شو. نو په دې اړه افغان حکومت، چې دنده يې د قانون پلې کول دي، پاتې راغی. د دې دوه وجې کېدای شي، لمړی دا چې حکومت د زورواکو او تنظیمونو په وړاندې بې وسه دی او نشي کولای چې د دوی کاندیدان د قانون سره سم رد کړي او یا پخپله حکومت نغواړي چې د افغانانو ريښتيني استازي په ولسي جرګه کې اکثريت شي. خو که دا د اوسني حکومت بې وسي وګڼو، اولس اوس مرسته ورسره کولی شي او که حکومت د قانون خلاف کوم بل نیت لري، اولس يې اوس لارې ته سمولی شي.

د افغانستان د اساسي قانون د پینځه اتیایمې مادې په لمړۍ فقره کې لیکل شوي چې هغه څوک ملي شورا ته کانديد یا ټاکل کېږي چې د ټاکنو پر شرطونو سربېره د افغانستان تبعه وي … د کاندیدانو په منلو کې دغه ماده تر پښو لاندې شوې او ډېر داسې خلک چې پخپله په ډاګه وايي چې افغان نه دي، د کاندیدو حق ورکړل شوی. د بېلګې په توګه، ابو مسلم شېرزاد په وار وار ویلي چې افغان نه دی. د ۲۰۱۷ کال د مارچ په لسمه يې حتې په خپل فېسبوکپاڼه کې په وضاحت ليکلي چې افغان نه دی. دې ته ورته ډېر نور کسان لکه ذوالفقار امید، احمد بهزاد، حفیظ منصور په ډېره بې شرمۍ د افغانیت څخه انکار کړی، خو افغان ولسي جرګې ته يې کاندیتوب منل شوی.

د پورتنۍ مادې په دوهمه فقره کې لیکل شوي چې هغه څوک ملي شورا ته کانديد کېدای شي چې د محكمې له خوا د بشري ضد جرمونو، او جنايت په ارتكاب او يا له مدني حقوقو څخه په محرومۍ محكوم شوى نه وي. دلته هم له ورایه څرګندېږي چې حکومت يا وس نلري او يا د ځینو جوړجاړيو له وجې یې خپله دنده نه ده ترسره کړې ځکه چې په هېواد کې له بده مرغه ډېر داسې کسان شته چې د بشر ضد جرمونو يې کړي او د بېوزلو افغانانو حقونه يې تر پښو لاندې کړي، خو لاتر اوسه محاکمه شوي نه دي حال دا چې نومونه يې په وار وار د بشري حقوقو د څار نړيوال سازمان په کلني راپورونو کې یاد شوي دي. یوه بېلګه یې حمیدزی لالی دی چې د بېګناه خلکو د وژنې تور پرې لګېدلی. بل دا چې ده ته پرته له خپلو شخصي ګټو بل هېڅ څه ارزښت نلري او د خپلو ناروا ګټو په پار د هېواد ملي ګټو ته زيان رسوي. دې ته ورته ډېر نور کسان لکه امان الله ګذر، حاجي قدیر، الله ګل مجاهد دي چې په راز راز جرمونو کې ښکېل دي. که څه هم دغه خلک د ولسي جرګې غړي دي، خو نه د اولس او نه دهېواد غم ورسره شته او نه د دې وړتیا لري چې د هېواد ملي ګټې تشخیص کړي او د هغې په بنا عمل وکړي.

اوس چې ولسي جرګې ته د ټاکنو وخت بیا را رسېدلی، اولس کولی شي په خپلو رایو داسې کسان اولسي جرګې ته ولېږي چې نیوازې په سمه توګه د دوی استازولي وکړي بلکې په بشپړه توګه په هېواد کې سولې، سوکالۍ، د قانون حاکميت او افغانيت ته ژمن وي. د افغان ولس د هر وګړي رایه ډېره ارزښتمنه ده او باید سرسري چلند ورسره ونشي. همدغه رايه کولی شي هېواد یو رغونکي مسیر ته سم کړي او يا تېرو تجربو ته په کتو سره، د افغانستان اوسني ربړن وضیعت ته دوام ورکړي.

د کاندیدانو په غوراوۍ کې يوازې د کاندید تقوا، ايمانداري او پوهې ته بايد پام ونکړل شي، بلکې د نوموړي جرئت، فصاحت، هېواد او اولس پالنې ته هم باید ارزښت ورکړل شي. تراوسه کېدای شي چې ښه استازي مو په ولسي جرګه کې شته وو، خو پرته د ګوتو په شمار نور ټول ګمنامه وو او د افغان اولس د حقونو په دفاع کې چوپ پاتې وو.

موږ افغانان پرته له دې چې پخپله یوه آرامه او سوکاله راتلونکې جوړه کړو، بل څوک يې نه راته جوړوې. په دې هڅه کې لمړنی او تر ټولو اغېزمن ګام په ټاکنو کې په ډېر پام او بشپړې ارزونې د رايې ورکړه او پوره ونډه اخيستل دي.

که چېرې د یوې پاکې، هېوادپالې او اولس ته په چوپړ کې ژمنې ولسي جرګې (مقننه قوې) په جوړولو کې بريالي شو، دا به نیوازې د ډېرو ناخوالو د پای په مانا وي بلکې د حکومت (اجرايه قوې) او قضا د بې وسۍ/ ناغېړۍ تشه به هم ډکه کړي. ځکه، که حکومت بې وسه وي، نو یوه ولسپاله ولسي جرګه به د حکومت د قانوني کړنو تر شا ودرېږي او ملاتړ به يې وکړي او که حکومت ناغېړه وي، ولسي جرګه به يې دې ته اړ باسې چې د قانون سره سم خپلې دندې په سمه توګه ترسره کړي او اولس ته ځان مسول وګڼي.

1,280 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2