Categories

اعلان

Loading…

د فري فایټ افغان اتل احمد ولي هوتک په کابل کې په چړو سخت وهل شوی دی

تاند – د فري فایټ یا ازادې جګړې په افغان اتل، احمد ولي هوتک، په پلازمېنه کابل کې نامعلومو بریدګرو برید کړی، او په چړو یې سخت وهلی او ټپي کړی دی.

په  ټولنیزو رسنیو د ښاغلي هوتک د په وینو لړلي بدن عکسونه خپاره شوي دي. ویل کیږي چې هوتک د درملنې لپاره روغتون ته انتقال شوی دی.

هوتک تېره ورځ /د اکتوبر ۱۴مه/ په خپله فیسبوک پاڼه لیکلي وو چې په امریکا کې له پنځه میاشتني تمرین څخه وروسته د را روانې جمعې په ورځ په مسکو کې له خپل روسي سیال، مکسیم شیکین، سره د سیالۍ میدان ته وځي.

نوموړي په مسکو کې مېشتو افغانانو څځه غوښتنه کړې وه چې اخلاقي ملاتړ یې وکړي او ویې هڅوي، خو خبر نه وو چې په خپل وطن کې به د ناوړو خلکو له خوا پرې برید وشي.

تېر کال د احمد ولي هوتک او یوه بل افغان اتل، باز محمد مبارز، تر منځ لفظي شخړه پېښه شوه چې د دغو دواړو اتلانو مینه وال یې دوه پړاکه کړل خو له څو ورځو ناندریو څخه وروسته د مشرانو په منځګړتیا بېرته سره پخلا شول.

د دې تر څنګه، ولي هوتک څه موده وړاندې په واشنګټن کې د افغانستان د سفارت له خوا له هغه سره د شوي چلند په وړاندې د اعتراض په توګه په خپل فیسبوک یوه انتقادي ویډیو خپره کړې وه، خو دا لا  معلومه نه ده چې په هوتک باندې شوې حمله کې به د چا لاس وي.

احمد ولي هوتک په لغمان ولایت کې زېږېدلی، ۵.۸ انچه یا ۱۷۳ سانتي متره قد لري او د ټاپولوجي وېب سایټ د معلوماتو له مخې یې په ۸ لویو نړیوالو سیالیو کې ۷ سیالۍ ګټلې دي.

5,974 total views, 1 views today

onesignal_meta_box_present:
1
onesignal_send_notification:

1 comment

  1. عبدالله Reply

    دغه کار به د کابل د لنډه غرانو او کوڅه ډبو اوباشانو څخه لری نه وی. ځکه دغه تعصب لرونکی خلک ځمونږ دسپورت اتلانو سره ذاتی دښمنی لری

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2