Categories

اعلان

Loading…

پاکستان د پیسو له نړیوالې بسپنې ۱۵ ملیارد ډالره پور غوښتی

تاند- د پیسو د نړیوالې بسپنې (صندوق) چارواکي وايي چې پاکستان د ملیاردونو ډالرو پور غوښتنلیک ورسپارلی دی.

عمران خان تر صدراعظم کېدو مخکې ویلي و چې له هیڅ مالي ادارې څخه به د پور خواست ونه کړي.

د پاکستان جیو تلویزیون نن /یکشنبه/ راپور ورکړ، د پیسو نړیواله بسپنه وايي چې پاکستان ورڅخه د ۱۵ ملیارد ډالره پور غوښتنه کړې ده.

د پیسو نړیوالې بسپنې (IMF) ویلي چې پاکستان ته په یو لړ سختو شرایطو پور ورکوي او دا په پاکستان پورې تړلې چې دا شرطونه مني او که یې نه مني.

د پیسو د نړیوالې بسپنې چارواکي وايي چې له ۲۰۱۷ څخه تراوسه پورې د پاکستانۍ روپیو ارزښت په سلو کې ۲۷ ټیټ شوی او دا د پاکستاني روپیو حقیقي ارزښت دی او باید همداسې وای.

له بلې خوا د پاکستان حکومت د پیسو د نړیوالې بسپنې د چارواکو څرګندونې تاییدوي، وايي چې له اوسنیو سختو اقتصادي ستونزو د هیواد د ایستلو لپاره یې په عاجل ‌ډول ۹ ملیارد ډالره پور ته اړتیا ده.

د پاکستان د خزانې (مالیې) وزیر وايي چې د پیسو د نړیوالې بسپنې پور به مرسته وکړي چې د پاکستان د بېوزله او کم عایده خلکو اقتصادي ستونزې لږې شي.

د پاکستان د حکومت سیاسي مخالفان وايی چې باید حکومت د پورونو اندازه زیاته نه کړي ځکه چې که هر څومره پور زیاتېږي، په هماغه اندازه د پاکستان اقتصادي ستونزې ډېرېږي.

عمران خان د صدراعظمۍ پر چوکۍ تر کښېناستو وروسته د پور له اخیستو سره د مخالفت ترڅنګ ویلي و چې د پاکستان د پورونو د یوې ورځې سود ۵۰ ملیون ډالره دی.

په وروستیو ورځو کې د ډالر په وړاندې د پاکستاني روپیو ارزښت په سلو کې ۱۵ ټیټ شو.

که د پور په اړه پاکستان د پیسو له نړیوالې بسپنې یا آی ایم ایف سره موافقې ته ورسېږي، احتمال شته چې د پاکستاني روپیو ارزښت د یوې مودې لپاره یو څه لوړ شي.

د پاکستاني روپیو بې ثباتي ډېرو هغو افغانانو ته سخت تاوان اړولی چې په پاکستاني روپیو راکړه ورکړه کوي.

2,483 total views, 3 views today

onesignal_meta_box_present:
1
onesignal_send_notification:

1 comment

  1. Zazai Reply

    راشه پاکستانه واخله پيسي غواړي پور غواړي په دغو پيسو به ډيري بوشکيي توليدد کړي ډيرو افغانانو وينې تويدني به سبب شي

Leave a Reply

Your email address will not be published. Required fields are marked *