Categories

اعلان

Loading…

طالبان په خپل منځ کې د تماس لپاره له نوري فایبر څخه کار اخلي

تاند- ایراني اژانسونه وايي چې طالبان په خپل منځ کې د تماس لپاره له نوري فایبر څخه کار اخلي.

د فارس نیوز د راپور له مخې، طالبانو د لومړي ځل لپاره په خپل منځ کې د خوندي ارتباط لپاره نوري فایبر وکاراوه.

دې اژانس د طالبانو عکسونه خپاره کړي خو مخونه یې ورپټ کړي او دا یې هم نه دي ویلي چې طالبانو د افغانستان په کومه سیمه کې له نوري فایبر څخه کار اخیستی دی.

اژانس زیاتوي، د طالبانو تخنیکي او انجنیري ټیمونو په بېلابېلو سیمو کې د خپلو کسانو ترمنځ د چټک او خوندي ارتباط لپاره نوري فایبر ته مخه کړې ده.

په تېرو کلونو کې طالبانو د افغانستان په څو سیمو کې د نوري فایبر کېبلونه ویجاړ کړي وو.

د اژانس د راپور له مخې، طالبانو په وروستیو کې نه یوازې د پرمختللې ټکنالوژي د کارولو وړتیا پیدا کړې بلکې پرمختللې وسلې یې هم لاس ته راوړي چې له کبله یې د افغانستان د دولتي ځواکونو تلفات زیات شوي دي.

اژانس وايي چې طالبانو تر دې وړاندې له ډرون یا بې پېلوټه الوتکو څخه هم په جګړه کې کار اخیستی و.

866 total views, 5 views today

onesignal_meta_box_present:
onesignal_send_notification:

1 comment

  1. مسافر Reply

    ایران ددغی ابتکار مسوول دی دهغه څه دی چی دایران تالی څټی حزب الات په لبنان کی کاروی

    په درناوی
    مسافر

Leave a Reply

Your email address will not be published. Required fields are marked *