Categories

اعلان

Loading…

پاکستان وايي، د دوشنبې له ورځې په جلال اباد کې خپله کونسلګري بېا پرانیزي

تاند- ټاکل شوې وه چې په جلال اباد کې د پاکستان کونسلګري نن /یکشنبه/ پرانیستل شي خو د پاکستان د بهرنیو چارو وزارت نن وویل چې خپله کونسلګري به سبا/دوشنبه/ پرانیزي.

د پاکستان د بهرنیو چارو وزارت وویل، د افغانستان حکومت په جلال اباد کې د امنیت په اړه ډاډ ورکړی او ضروري اقدامات یې کړي دي، نو خپله کونسلګري پرانیزي.

د پاکستان د بهرنیو چارو وزارت همداراز وايي، سر له سبا /دوشنبې/ څخه په جلال اباد کې د پاکستان کونسلګري د ننګرهار او شاوخوا ولایتونو اوسېدونکو ته د تقاضا په صورت کې د خپل هیواد وېزه ورکوي.

په جلال اباد کې د پاکستان کونسلګري به د ورځې ۱۸۰۰ افغانانو ته د پاکستان وېزه صادروي.

پاکستان د اګست په ۳۰ مه په دې نوم چې د ننګرهار والي د کونسلګرۍ په چارو کې لاسوهنه کوي او امنیت یې خوندي نه دی، خپله کونسلګري بنده کړه.

خو د ننګرهار والي په کونسلګرۍ کې له افغانانو سره پر بد چلند او په غیرقانوني ډول له هغو څخه د پیسو پر اخیستلو اعتراض کړی و.

حیات الله حیات ویلي و«د پاکستنان د کونسلګرۍ له فعالیته راضي نه یم. د معلوماتو پر اساس کونسلګري هر افغان ته د وېزې د ورکولو په بدل کې له ۵ زره تر ۲۰ زره پاکستاني روپۍ غواړي.»

هغه کسان چې د پاکستان وېزې یې اخیستي؛ وايي چې نه یوازې په جلال اباد بلکې په کابل کې هم د پاکستان کونسلي مسوولان خلک اړ باسي چې د کمېشنکارانو له لارې وېزې واخلي. د دوی په وینا پاکستاني دیپلوماتان غیرقانوني پیسې، چې افغانان یې د مجبوریت له مخې ورکوي، له کمېشنکارانو سره ویشي.

1,600 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸