Categories

اعلان

Loading…

ماشی/ ا جمل پسرلی

د کړکۍ پر ژۍ له بهره ماشی غونج منج ناست و. شمال ته یې وزر خوځيده که ریږد اخیستی و، خو پښې یې کلکې کړې وې، نه غورځیده.

د باران له دانه دانه ټک ټک سره والوت د کړکۍ په هغه کونج کې یې ځان غلی کړ چې د باران دانې نه وررسیدې.

د کوټې په مینځ کې (ایوا اوسیچکوا) د ژمي تر رارسیدو مخکې اورلګید له یوه لاسه بل، له بله بل ته اچاوه. راولټیده. د بخارۍ ور یې بیرته کړ. وچو لرګو ته یې شونډې ویړې شوې، خو د لمسۍ پرونۍ خبره یې تر ژبې لاندې تکرار کړه:

« د ۲۰۱۸ کال د پراګ لومړی اور»

تیره ورځ چې یې لمسۍ له پوهنتونه راغله. دې بخارۍ لګولې وه. هغې کړکۍ پرانیسته او دې ته یې وویل:

« په دې توده دپه هوا کې څوک ساه نه شي اخیستلی»

اوسیچکوا د کړکۍ لور ته تیره شوه. د اورسۍ پله یې راکش کړه. سړې سیلۍ ته ټوخي پسې واخیسته. کړکۍ یې ژر پورې کړه. بیرته خپلې چوکۍ ته راغله لاسونه یې سره وموښل:

« نن خو به هوا تازه وي»

له ځان سره وموسیده، ګونځې ګونځې مخ یې لکه د جولا جال شو خو ماشي ته داسې نه ښکاریده پرې کښیناست، ویې زبیښه. د بوډۍ مخ سوی وکړ. دې کلک کلک وموښه، لاس یې په وینو شو. 

پراګ

1,273 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *