Categories

اعلان

Loading…

يو کتابتون بې شمېره ښېګڼې؛ يو بل کتابتون پرانستل شو

حبیب وقار 

يو بل کتابتون پرانستل شو، يوه بله سيمه روښانه شوه، په لسګونو نورو دردېدلو او ځورېدلو افغانانو ته کتاب په لاس کې ورکړل شو او له تیارو څخه يې د ويستلو هڅه وشوه. دا کار چا وکړ، کوم پانګه وال نه دی کړی، بلکې يو داسې چا کړی چې ايله خپلې کورنۍ ته د سهار، غرمې او ماښام حلاله ډوډۍ پيداکوی شي، خو له خپل بې وزله ژوند سره سره د خپلو خلکو د بیدارۍ او خپل ولس ته د خدمت له پاره لوړ احساس لري، دا اتل څوک دی چې خپلو هېوادوالو ته يې اتم کتابتون هم جوړ کړ؟

کتابتون، کتاب او مطالعه انسانيت، شرافت، عزت، اخلاق، درناوی، زړه سوی او دې ورته په سلګونه ښکلې جملې او کلمې له ځانه سره لري او هغه څوک چې د کتاب، کتابتون او مطالعې له پاره کار کوي، په دې مانا چې د دې ډول کلماتو او دې ډول فرهنګ د پلي کولو په هڅه کې وي. بې کتابتونه هېواد، ولايت، ښار، کلی او کور تیاره دی. کتاب دی چې هېواد، سيمې، کور، کلي او ښار ته ښکلا، رڼا او وياړ ورکوي.

زموږ وروسته پاتې ټولنه نن ورځ تر هرڅه ډېر کتابتون ته اړتیا لري، خو له بده مرغه زموږ پانګه والو هېڅ کله هم د دې ځورېدلي او کړېدلي ولس غم نه دی خوړلی او نه يې هم دوی ته د کتابتون د جوړولو له پاره کومه هڅه کړې، ځينې يې ملامت هم نه دي ځکه چې دوی پيسې او پانګه له غلا، چور، غصب، ترور او د خلکو له حق خوړلو څخه ترلاسه کړې، څوک چې د يادو ناوړه کلمو پروا نه ساتي او بدې نه ورته ښکاري، هغوی بيا د کتابتون، کتاب او مطالعې يا هم په ټوله کې د خلکو د خدمت او له خلکو سره د مرستې په ارزښت څه پوهېږي. دوی خو اوس هم د ولس په حلالولو، چور او تالان او د خلکو د وينو په زبېښلو بوخت دي.

راځو اصلي موضوع ته د کوم اتل خبره مې چې مخکې کړې وه هغه اتل مجيب الرحمن محمودي دی. محمودي څو ورځې وړاندې د روانې وږي مياشتې په ۱۶مه د وردګو ولايت په لرې او وروسته پاتې سيمه د جلګې ولسوالۍ د عبدالواحد خان ښوونځي ته څېرمه په يوه نوي جوړ شوي مسجد کې يو نوی کتابتون جوړ کړ. ياد مسجد د يوې دينې مدرسې او يوې ليسې په منځ کې دی چې مدرسه، ليسه او د سيمې د کليو اوسېدونکي ګټه ترې اخيستی شي. په ياد کتابتون کې ديني، سياسي، اجتماعي، اقتصادي او نور ډول ډول کتابونه شته دي.

د کتابتون د پرانيستې مراسم په داسې وخت کې وو چې په همدې ورځ د جلګې په ولسوالۍ وسله وال بريد وشو. د ياد کتابتون پرانیستې غونډې ته د مدرسې او ليسې ښوونکي او د شاوخوا کليو ډېر اوسېدونکي راغلي وو. د پرانيستې غونډه د سپېڅلي کتاب قران عظيم الشان د څو مبارکو ایاتونو په تلاوت سره پيل شوه. ورپسې د کتابتون بنسټ اېښودونکي محمودي په خپلو خبرو کې د کتاب د ارزښت په اړه خبرې وکړې او د سيمې اوسېدونکو ته يې د کتابتون بنسټ پانه تشرېح کړه، نوموړي په خپلو خبرو کې وويل: «تر هغې چې کتاب، کتابتون او مطالعې ته مخه نه کړو، نه شو کولای خپل وران ويجاړ هېواد جوړ کړو، خپل دوست او دښمن وپېژنو او د خپلو ځورېدلو هېوادوالو خدمت وکړو. له کتاب نړۍ پېژندی شو او که نړۍ وپېژنو کولای شو د نړۍ له پرمختګونو يو څه زده کړو او يوه ورځ خپل هېواد په لوړې تکنالوژۍ سنبال کړو او له سيالانو سره يې سيال کړو.»

محمودي د سيمو له خلکو وغوښتل چې کتابونه د مطالعې له پاره امانت يوسي او بېرته يې په خپل وخت کتابتون ته تسليم کړي، څو له يوه کتاب څخه په لسګونو کسان ګټه واخلي. د کتاب د ارزښت په اړه د سيمې يو ديني عالم مولوي هدايت الله هم خبرې وکړې، هغه وویل چې کتابتون د ټولې سيمې ګډ دی او ټول يې بايد په ګډه په ښه توګه ساتنه او پالنه وکړي نوموړي له خلکو وغوښتل چې په کورونو کې اضافي کتابونه د ډالۍ په توګه کتابتون ته ورکړي، څو کتابتون نور هم غني شي، زياته يې کړه: «موږ به تر خپلې وسې هڅه وکړو چې ياد کتابتون ته نوره هم وده ورکړو، غني يې کړو، دلته علمي سيالۍ جوړې کړو او کتابتون ته کتابونه هم پيداکړو، له ټولو هغو کسانو د زړه له تله مننه کوو چې د دې کتابتون د جوړولو له پاره يې هلې ځلې کړې دي او زموږ وروسته پاتې سيمه يې په ياد ده.»

ورپسې د سيمې د ليسې سرښوونکي استاد ميرزا وويل له ټولو هغو کسانو مننه کوي چې د دوی په سيمه کې يې کتابتون جوړ کړی، نوموړي د ليسې په استازولۍ وويل چې ليسه به د کتابتون په ساتلو، پاللو او مطالعې ته د زده کوونکو او د سيمې د خلکو په هڅونه کې هڅه وکړي زياته يې کړه: «په دې سيمه کې کتابونه لږ پیداکېږي، خلک له بې وزلۍ سره لاس او ګرېوان دي، چارواکو هېڅ کله هم زموږ غږ نه اورېدلی نه دی او پانګه وال خو هسې هم يوازې خپله پانګه ساتي.»

د کتابتون د موسس مجيب الرحمن محمودي په وينا دوی د «شهيد کريم کتابتون» په نوم کتابتون په ۵۰۰ټوکه کتابونو سره پیل کړ چې د دې کتابونو ډېره برخه مرسته قاضي محمد فايز کړې ده او د پنځوسو ټوکو کتابونو په شاوخوا کې کتابونه د نورو کسانو له خوا مرسته شوي دي. له دروند مشر فايز صیب نړۍ مننه کوو چې په داسې لوی خدمت کې يې ونډه اخیستې او د خپلو خلکو له پاره يې يو مقدس او سپېڅلی خدمت کړی دی.

د یادونې وړ ده چې محمودي تر دې وړاندې اووه نور کتابتونونه په کابل، جلګه، چک او سيداباد کې جوړ شوي دي، د جغتو کتابتون له پاره کتابونه تیار شوي دي او په خوست کې هم په يوه کتابتون کار روان دی چې نژدې کې به يې کتابونه تنظيم کړل شي.

نوموړی له ټولو پانګه والو وبښۍ هېوادوالو (ځکه چې پانګه وال خو له داسې کارونو سره مينه نه لري) هيله لري چې له نوموړي سره د څو ټوکه کتابونو مرسته وکړي، څو وکولای شي هم جوړ شوي اته کتابتونونه نور هم غني کړي او هم وکولای شي په نورو کليو کې هم ورته کتابتونونه جوړ کړي.

داسې اتلان رښتيني اتلان او د ولس وياړ دي، هېوادوال داسې اتلانو ته اړتیا لري چې لاس ورکړي، نه داسې بوتلانو ته چې لاس ترې پرې کړي، نو له تاسې د دې ليکنې له لوستونکو هم هيله کېږي چې د محمودي صيب لاسنيوی وکړئ او که نور هېڅ نه وي د يو کتاب په ورکولو سره د يادې سپېڅلې لړۍ په مخکې وړلو کې برخه واخلئ، کتاب تر ټولو ښکلې ډالۍ او تر ټولو ښه مرسته ده.

د داسې يوې ورځې په هيله چې هېڅ کور بې کتابتون نه وي.

702 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2