Categories

اعلان

Loading…

یوه افغانه د امریکا د نیوهمپشایر ایالت ګوندمنځي انتخابات وګټل

تاند- د امریکا په متحدو ایالتونو کې د لومړي ځل لپاره یوه افغانه د متحدو ایالتونو په ګوندمنځي ټاکنو کې له خپل ګوند څخه د ایالتي کانګریس لپاره کاندیداتورۍ ته بریالۍ شوه.

۲۷ کلنه صفیه وزیر د خپل دیموکرات ګوند په منځ کې د نیوهمپشایر ایالت د کانګریس په انتخاباتو کې کاندیداتورۍ ته بریالۍ شوه.

د کومې انتخاباتي حوزې لپاره چې اغلې وزیر بریالۍ شوې، پر هغې د دې د ګوند بل کاندید ډیک پاټن څلور دورې کاندید شوی او انتخابات یې هم ګټلي و.

پاټن د انتخاباتي مبارزو په لړ کې ویلي و چې اغلې وزیر سیاسي تجربه نه لري.

خو صفیې وزیر د انتخاباتي هلوځلو په لړ کې ډېر ټینګار پر کورنیو چارو او پوهنه کاوه. د دې په باور کورنۍ باید سره ونه پاشل شي.

په نیوهمپشایر کې د اغلې وزیر پلویان وايي چې ښه ده چې یو نوی استازی ولري.

صفیه وزیر له خپلې کورنۍ سره په ۲۰۰۷ م کال امریکا ته تللې او له هماغه پیله په نیوهمپشایر ایالت کې مېشته شوې ده.

که اغلې وزیر د جمهوریپال ګوند کاندید دنیس سوسي ته د نوومبر د میاشتې په انتخاباتو کې ماتې ورکړي، نو لومړنۍ مهاجره به وي چې په دې ایالت کې دومره لوړې چوکۍ ته رسېږي.

3,647 total views, 5 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *