Categories

اعلان

Loading…

نیمګړی/ اجمل پسرلی

د شرابو پر تش ګیلاس یې شونډې کیښودې. په رستورانت کې یو میز ورها خوا د زیړو ویښتو او کمه رنګه ابي سترګو نجلۍ داسې ورته وایسیده لکه نیمګړې رسامی. نجلۍ سترګې ښکته واچولې. ده پر دیوال د خزنده و د راځوړند تصویر لور ته سترګې پورته کړې. په انځور کې خزنده پر ګردیو ګردیو ډبرو لک وو، شاته اوبه بهیدې. لرې لغړه ونه باد ته کږه شوې وه.

ناڅاپه پاڅید، پیسې یې پر میز واچولې، له رستورانته ووت. نه پوهیده چې د  کم رنګه ابي سترګو نجلۍ په کوم لور وتلې. چپ لاس ته تاو شو. پر دیوال یې لاس تکیه کړ، نژدې پرتلی و. د رستورانت دا بله خوا پسې رهي شو. د موټرڅراغونو ته یې سترګې وبریښیدې، ټکسي و، ورپورته شو، سیخ خپل کور ته ولاړ.

 په تشناب کې د څراغ له لګیدو سره میږیو پر سپینو کاشیو یوې خوا بلې خوا منډې کړې. ده د خزنده و د وژلو سپرې ورته ونیوله. پر یو ځای یې د میږیو د غار ګومان راغی، هلته یې ډیره دوا وشیندله. څراغ یې مړ کړ، دباندې د باران غږ شو. بیرته یې څراغ ولګاوه، میږي نه ښکاریدل. د سپرې پر ډبی د مچ سترګې غټې او د ماشي پښې جګې ورته ښکاره شوې، ویې خندل، بوتل یې پوزې ته ونیو  د دوا داسې بوی ته لکه د ودکا. د رستورانت د نجلۍ ښویه ویښته تر سترګو تیربیر شول.

د تشناب څراغ یې مړکړ، د خوب په کوټه کې یې ځان پرتخت واچاوه. په اړخ واوښت راواوښت. بهر د باران د دانو میده میده ټکا وه.  بالښت یې پر سر کیښود، کړکۍ یې پورې کړه، پښې یې راټولې کړې، راپاڅید، د تشناب څراغ یې ولګاوه. میږیان په کتار وو، پښه یې پرې کیښوده څو دانې یې تر پښې لاندې کړل، څو په غار ننوتل، څو یې پر پښه لک شول. سپرې یې  ورته ونیوله میږیان د ده له پښې ښکته شول، تر ټپ لاندې خپل غار ته ننوتل.

ده سپرې له ورسۍ بهر واچوله، د  څراغ سویچ یې په څپیړه وواهه خو له بهره د بریښنا رالویدلې رڼا ته د سترګو په رپ کې تشناب روڼ شو، تیاره شو، روڼ شو او له تپې تیارې  سره د باران شُر شو. ( پای )

1,248 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2