Categories

اعلان

Loading…

د کاناډا پولیس د افغان سرپرست سفیر د تورن زوی د نیولو لپاره د افغانستان اجازه غواړي

تاند- کاناډايي رسنۍ وايي چې په اوټاوا کې یې د افغانستان د شارژدافېر او سرپرست سفیر د زوی د جنسي تېري قضیه دې ته ځنډولې چې پولیس د افغانستان له حکومت څخه له تورن سره د خبرو کولو اجازه واخلي.

په کاناډا کې د افغانستان د شارژدافېر او سرپرست سفیر نادر یما زوی په دې تورن دی چې پر یوې ۱۶ کلنې نجلۍ، چې د کاناډا تابعیت لري او زده کوونکې ده، د سفیر په موټر کې دننه جنسي تېری کړی دی.

د کاناډا د نشراتي شبکې (CBC) د راپور له مخې، د نړیوال پروتوکول له مخې، د کاناډا د نړیوالو چارو ادارې هڅه وکړه چې د دیپلوماتیک مصونیت د لرلو لپاره په کابل کې د افغانستان له بهرنیو چارو وزارت څخه د اوټاوا د پولیسو لپاره اجازه واخلي چې د افغان دیپلومات له زوی څخه تحقیقات وکړي.

د دې شبکې د راپور پر اساس په وروستیو کې د نړیوالو کانالونو له لارې له افغانستان څخه اجازه واخیستل شوه خو د افغان دیپلومات زوی یو مشهور مدافع وکیل ځان ته ګومارلی چې تراوسه پولیسو ته اجازه نه ورکوي چې له هغه څخه تحقیقات وکړي.

د کاناډا نشراتي شبکه وايي چې د تورن د نیولو لپاره اوس دوهمې اجازې ته اړتیا ده او پکار ده چې د کاناډا د نړیوالو چارو اداره بیا په دې قضیه کې ښکېله شي.

د کاناډا پولیس وايي، تر څو چې دوسیه بشپړه شوې نه وي، تر هغو د دې قضیې په اړه څه نه وايي.

د کاناډا نشراتي شبکه وايي چې په اوټاوا کې یې د افغانستان له سفارت سره هم تماس ونیوه خو سفارت له څه ویلو ډډه وکړه.

د دې قضیې په اړه پژواک خبري اژانس ویلي چې په کاناډا کې د افغانستان د سرپرست سفیر نادر یما زوی د خپل پلار په موټر کې پر کاناډايي نجلۍ تجاوز کړی دی.

دې اژانس ته باوري سرچینو ویلي چې دا پېښه د فبرورۍ د میاشتې په وروستۍ اوونۍ کې شوی دی.

د سرپرست سفیر زوی مهدي ارش نومېږي او اتلس کلن دی. نوموړی د دې جرم په خاطر له ښوونځي ایستل شوی دی.

136 total views, 3 views today

onesignal_meta_box_present:
onesignal_send_notification:

2 comments

  1. غ.حضرت Reply

    که دا سفیر د مسلمان او د انسان زوی وی نو باید خپل زوی پخپلو لاسو د کور په زېر خانه کی وځړوی او اعدام ئې کی

  2. A. Halim Hakimi Reply

    Let’s be fair with justice recommendation which often is an eye for an eye. Since when modern world hang a man for sexual advances ?

Leave a Reply to A. Halim Hakimi Cancel reply

Your email address will not be published. Required fields are marked *