Categories

اعلان

Loading…

د م.م د کډوالو کمیشنر: په ۴ کلونو کې تر ۴۰ زره ډېرو افغانانو ته مرګ ژوبله اوښتې

تاند- د کډوالو لپاره د ملګروملتو لوی کمیشنر وايي، په تېرو ۴ کلونو کې تر ۴۰ زره زیات ملکي افغانان وژل شوي یا ټپیان شوي دي.

فیلیپو ګراندي د پنجشنبې په ورځ د افغانستان د دوه ورځني سفر په پای کې یوې خبري غونډې ته وویل، یوازې د روان میلادي کال له پیله تر اګست پورې په ۷ میاشتو کې تر ۲ لکه زیات افغانان د جګړو له لاسه بې ځایه شوي او تر یو نیم لک نور د وچکالۍ له کبله د خپلو مېنو پرېښودو ته اړ شوي دي.

ده وویل، جنګ، ناامني، بېوزلي او وچکالي تر هر څه زیات افغانان تاواني کړي دي.

د ملګروملتو د لویې کمیشنرۍ کمیشنر فیلیپو ګراندي او د ملګروملتو د بشري چارو غږملوونکی (تنظیموونکی) مارک لوکوک پرون د افغانستان ۲ ورځنی سفر پای ته ورساوه.

دوی د افغانستان د سفر په لړ کې د ولسمشر غني په شمول له جګپوړو افغان چارواکو سره وکتل.

د ملګروملتو دواړو چارواکو پر نړیوالو ږغ وکړ چې افغانستان تر هغه څه چې فکر کېږي، زیاتې فوري مرستې ته اړتیا لري.

91 total views, 8 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *