Categories

اعلان

Loading…

د کابل په دوو انتحاري حملو کې ۲۰ تنه وژل شوي او ۷۰ نور ژوبل شوي

دا خبر بیا بیا تازه کېږي

تاند- له لومړۍ چاودنې نژدې یو ساعت بله چاودنه د پېښې په ځای کې وشوه چې له کبله یې خبریالان، او د پېښې د لیدو لپاره راټول شوي کسان په نخښه کړل.

راپورونه وايي چې په دوهمه انتحاري حمله کې ۲ خبریالان وژل شوي او ۴ نور ژوبل دي.

د کورنیو چارو وزارت ویندوی وویل چې په دواړو چاودنو کې ټولټال ۲۰ تنه وژل شوي او ۷۰ نور ژوبل شوي دي.

وژل شوي خبریالان د طلوع دي خو ټپي خبریالان د یک او خورشید تلویزیونونو دي.

تراوسه لا کومې تروریستي ډلې د دې برید مسوولیت په غاړه نه دی اخیستی.

د عامې روغتیا وزارت وايي چې تراوسه د ۴ تنو وژل کېدا او د ۱۸ ټپي کېدا تاییدوي. د دې وزارت ویندوی وحید مجروح وویل چې روغتونونو ته د ۴ تنو مړي او ۱۸ ټپیان رسول شوي دي خو وېره ده چې د تلفاتو شمېر تر دې ډېر وي.

لومړنی خبر:

د کابل په یوه سپورتي کلب کې انتحاري حمله شوې

تاند- د کابل د دشت برچي په قلعه ناظر سیمه کې په یوه سپورتي کلب کې انتحاري حمله شوې ده.

لومړني راپورونه وايي، چاودنه داسې مهال وشوه چې په میوند کلب کې د غېږنیولو مسابقه روانه وه او ګڼ شمېر خلکو یې ننداره کوله.

شاهدان وايي چې ډېر کسان یې په وینو کې لت پت لیدلی خو تراوسه د تلفاتو دقیق شمېر معلوم نه دی.

د کورنیو چارو وزارت هم پېښه تاییدوي خو د نورو جزییاتو له ورکولو تر دې دمه ډډه کوي.

د عامې روغتیا وزارت ویندوی وحید مجروح وايي چې تراوسه پورې روغتونونو ته د یوه تن مړی او درې ټپیان رسول شوي دي.

دا خبر بیا بیا تازه کېږي.

308 total views, 3 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *