Categories

اعلان

Loading…

د لوڅو عکسونو د اخیستو په خاطر یهود خاخام ملیونونه ډالر جریمه شو

تاند- یو یهود مذهبي مشر چې د غُسل په مهال یې د ښځو لوڅ عکسونه اخیستي و، ۱۴ ملیونه او ۲۵۰ زره ډالره جریمه شو.

ښځو دا پیسې د هغې موافقې له کبله ترلاسه کړای شوې چې له ۴ یهودي ټولنو سره یې لاسلیک کړې وه.

فرانس پریس خبري اژانس د دغو ښځو د مدافع وکیل الکسالندر هاروین په قول وویل چې د واشنګټن په جورج ټاون شتمنه سیمه کې یهود مذهبي مشر (خاخام) برنار فروندل باید په دې خاطر جریمه ورکړي چې د غُسل لپاره د لوڅو شویو ښځو عکسونه یې اخیستي و.

څېړنو وښوده چې فروندل، چې یو سختدریځی مذهبي دی، په یوه خونه کې کمره پټه ایښې وه او د څه باندې ۱۵۹ یهودو ښځو بربنډ عکسونه یې اخیستي دي.

برنار فروندل لومړی پلا په ۲۰۱۵ م کال د دې جرم په خاطر په شپږ نیم کاله بند محکوم شو خو اوس پرې جریمه هم راغله.

د فروندل دې کار ډېر یهودان حیرانه کړي ځکه چې نوموړي ته د واشنګټن په یهوده ټولنه کې په درنه سترګه کتل کېدل او په (واشنګټن پوهنتون) کې یې درس ورکاوه.

واشنګټن پوسټ ورځپاڼې د برنار فروندل د مدافع وکیل په قول ویلي چې موکل به یې تر ۲۰۲۰ م کال پورې له محبس څخه خوشي نه شي.

123 total views, 3 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *