Categories

اعلان

Loading…

سختدریځی هالنډی د کاریکاتورونو له مسابقې تېر شو

تاند- د مسلمانانو مخالف سختدریځی هالنډي سیاستوال د اسلام د ستر پیغمبر حضرت رسول اکرم (ص) د کاریکاتورونو د سیالۍ له جوړولو تېر شو.

دغه سختدریځی ګریت ویلدرز (Geert Wilders)، چې په ځلونو یې د مسلمانانو او اسلام خلاف خپله کرکه څرګنده کړې، وروسته له دې له خپلې پرېکړې تېر شو چې د افغانستان په شمول ګڼو اسلامي هیوادونو له هالنډ څخه وغوښتل چې د نوموړي د اقدام مخه ونیسي.

د اسوشیتید پریس خبري اژانس د راپور له مخې، د هالنډ حکومت وايي چې دا پرېکړه په دې خاطر وشوه چې احتمال و له کبله یې د یو شمېر خلکو ژوند له خطر سره مخامخ شي.

ویلدرز په یوه لیکلي بیان کې نن /پنجشنبه/ شپه لیکلي چې«داسلامي تشدد د خطر د مخنیوي لپاره مې پرېکړه وکړه چې د کاریکاتورونو مسابقه ودروم.»

ویلدرز له کلونو راهیسې کلک ساتل کېږي ځکه چې په ځلونو د مرګ خبرداري ورکړل شوي دي.

ده د اسلام پر ضد د څرګندونو په خاطر ځان په هالنډ او تر یوه حده په نوره نړۍ کې مطرح کړی دی.

ویلدرز، چې د هالنډ د پارلمان غړی هم دی، د اسلام د ستر پیغمبر د کاریکاتورونو سیالي د نوومبر میاشتې ته په پام کې نیولې وه خو ګڼو هیوادونو د ده پر دې پلان نیوکې وکړې.

د چارو ځینې کتونکي وايي چې د ویلدرز په شان خلک پوهېږي چې دا ډول کارونه د مسلمانانو احساسات پاروي او په نتیجه کې یې دوی ته د شهرت لار پرانیستل کېږي.

په اتیایمه لسیزه کې سلمان رشدي وروسته له دې ملیونر شو چې د (شیطاني آیات) په نوم کتاب د خپرولو په خاطر مسلمانانو په تېره بیا ایران ورسره تر اندازې زیات مخالفت وکړ. د ده دا کتاب په شاوخوا ۱۰۰ ژبو وژباړل شو.

305 total views, 3 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *