Categories

اعلان

Loading…

په فاریاب کې د ۳۵۰ افغان ځواکونو پر کاروان حمله شوې

تاند- وسله والو طالبانو د افغان امنیتي ځواکونو پر یوه کاروان، چې له غورماچ ولسوالي څخه د فاریاب ولایت مرکز ته روان و، حمله وکړه.

راپورونه وايي چې شاوخوا ۳۵۰ افغان امنیتي ځواکونه، چې ډېره موده په غورماچ ولسوالي کې محاصره ول، له غورماچ څخه د میمنې په لور وخوځېدل خو په لاره پرې وسله والو طالبانو برید وکړ.

راپورونه وايي چې د دواړو خواوو ترمنځ د چهارشنبې تېپې په سیمه کې سخته جګړه روانه ده.

دا سیمه د قیصار او غورماچ ولسوالیو ترمنځ پرته ده.

له غورماچ څخه د دغو ۳۵۰ امنیتي ځواکونو له وتلو وروسته دا ولسوالي په بشپړ ډ‌ول د وسله والو طالبانو لاس ته ولوېده.

دا ولسوالي په ځلونو د حکومت او طالبانو ترمنځ لاس په لاس شوې ده.

د سیمې اوسېدونکو ته خبرداری ورکړی شوی چې طالبان په خپلو کلیو کې پرېنږدي ځکه چې هوايي ځواک غواړي چې پر طالبانو بمباري وکړي.

123 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *