Categories

اعلان

Loading…

افغانستان د غزني په جګړه کې د پاکستان د رول شواهد دې هیواد ته سپاري

تاند- د افغانستان حکومت غواړي چې د غزني په حمله کې د پاکستان د آی ایس آی د رول په اړه شواهد دغه هیواد ته وړاندې کړي.

د هند اکانومیک ټایمز ورځپاڼه وايي چې د افغانستان د ملي امنیت سرچینو ورته ویلي چې د غزني په حمله کې د پاکستان د رول په اړه د دغه هیواد د لوی درستیز له انکار سره سره به دې هیواد ته کره شواهد وسپاري.

ورځپاڼه زیاتوي، د افغانستان د ملي امنیت ریاست باور لري چې آی ایس آی د غزني ښار د حملې پلان د دې لپاره جوړ کړ چې د افغانستان د حکومت او وسله والو طالبانو ترمنځ د اوربند احتمال له منځه یوسي.

د ملي امنیت د ریاست یوه چارواکي، چې نه یې غوښتل نوم یې واخیستل شي، وویل، آی ایس آی لشکرطیبه تروریستي ډله ګومارلې وه چې له پېښور، کوټې او پنجاب ایالت څخه خپلې ترهګرې ډلګۍ غزني ته ولېږي او پر دې ښار یرغل وکړي.

ده دا هم ویلي چې د پاکستان پوځیان هم د جګړې په میدان کې موجود ول او هغوی طالبانو او نورو ترهګرو ډلو ته د جګړې لارښوونه کوله.

د ملي امنیت دا چارواکی وايي چې د غزني په جګړه کې ژوبل شوي کسان د پکتیا او خوست له لارو د وزیرستان او نورو سیمو روغتونونو ته لېږدول شوي دي.

دی وايي چې ترهګر په ۳ ډلو وېشل شوي وو؛ لومړۍ ډلې، چې د زبیر بن عوام تر مشرۍ لاندې وه، له ۱۲۰ تنو حمله کووونکو جوړه وه چې ډېری غړي یې د پنجاب او خیبر پښتونخوا وګړي وو خو پخپله زبیر، چې یو مستعار نوم دی، د پنجاب د ګوجرانوالا اوسېدونکی دی.

دوهمه ډله، چې شمېر یې ۹۰ تنه و او د لشکر طیبه له تروریستانو جوړه وه خالد بن ولید نومېده او د مشر مستعار نوم یې خالد احمد و.

درېمه ډله المنصور نومېده چې ۱۲۰ تنه پکې شامل وو. په دې ډله کې، چې د حقاني شبکې تر مشرۍ لاندې وه، د زابل، پکتیکا، پکتیا، غزني او جنوبي وزیرستان کسانو برخه لرله.

ملتپال سیتوال او د بشري حقونو مدافع افراسیاب خټک هم په یوه ټویټ کې د غزني په جګړه کې د پاکستاني طالبانو د حکومت پلوې ډلې د دوو مشهورو وژل شویو قوماندانانو نومونه افشا کړي دي.

افراسیاب خټک وايي چې انعام بېټنی او عثمان وزیر، چې په وزیرستان کې یې ټول خلک پېژني، د غزني په جګړه کې وژل شوي دي.

خټک تر دې پخوا هم د پاکستان له حکومت او پوځه غوښتي و چې د غزني په جګړه کې د پاکستانیانو د ګډون په اړه وضاحت وکړي.

440 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2