Categories

اعلان

Loading…

روسیه وايي، د افغانستان کنفرانس ته یې ۱۱ هیوادونه وربللي

تاند- روسیه وايي، د افغانستان د سولې په اړه د مسکو په کنفرانس کې یې ۱۱ هیوادونو ته د ګډون بلنه ورکړې ده.

د روسي رسنیو د راپورونو له مخې، د روسیې د بهرنیو چارو وزارت په یوه خبرپاڼه کې وویل، د مسکو د کنفرانس اصلي هدف په افغانستان کې د ملي پخلاینې له بهیر سره مرسته او په دې هیواد کې د سولې او ثبات ټینګښت دی.

د روسیې د باندنیو چارو وزارت په وینا په مسکو کې د افغانستان کنفرانس په ۲۰۱۷ م کال د افغانستان، ایران، روسیې، پاکستان، چین او هند د ۶ هیوادونو د سلامشورو پر اساس تاسیس شو او راتلونکې میاشت به د دې کنفرانس دوهمه غونډه د طالبانو په ګډون جوړه شي.

د مسکو لومړی کنفرانس د افغانستان او روسیې په ګډه مشرۍ جوړ شوی و.

د روسیې د بهرنیو چارو وزارت وايي چې د مسکو په دوهم کنفرانس کې امریکا او طالبانو ته هم د ګډون بلنه ورکړای شوې ده.

روسیه وايي چې د طالبانو د قطر دفتر ته یې بلنلیک استولی او راپورونه وايي چې طالبانو موافقه کړې چې د مسکو په کنفرانس کې به ګډون وکړي.

دا به لومړی ځل وي چې طالبان د افغانستان په اړه په یوه نړیواله غونډه کې ګډون کوي.

پرون د روسیې د بهرنیو چارو وزیر سرګی لاوروف تایید کړه چې طالبان یې د مسکو په غونډه کې ګډون ته بللي دي.

روسیه د طالبانو د ملاتړ په اړه ادعاوي ردوي او وايي چې دا ډله د افغانستان له حکومت سره د سولې خبرو ته هڅوي.

58 total views, 6 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *