Categories

اعلان

Loading…

په یوه نفوذي حمله کې یو امریکايي پوځي وژل شوی او ۲ نور ژوبل دي

تاند- د امریکا په مشرۍ ايتلافي ځواکونه وايي چې په افغانستان کې یو امریکايي پوځي وژل شوی او دوه نور ژوبل دي.

د واشنګټن پوسټ (انلاین) ورځپاڼې د راپور له مخې، دا پېښه د افغانستان په جنوب کې ظاهراً د نفوذي عناصرو د حملې په نتیجه کې شوې ده.

د امریکا پوځ په یوه خبرپاڼه کې پېښه تایید کړې خو د هغې دقیق ځای یې نه دی په ګوته کړی.

په دې خبرپاڼه کې ویل شوي چې د دوو ژوبل شویو امریکايي پوځیانو روغتیايي وضعیت ښه دی او ژوند یې له خطر سره مخامخ نه دی.

د وژل شوي او ټپي شویو امریکايي پوځیانو هویت تراوسه څرګند کړای شوی نه دی.

همداراز تراوسه پورې د افغانستان د دولت وسله والو مخالفانو د دې برید په اړه څه نه دي ویلي.

خو واشنګټن پوسټ وايي، یوه افغان چارواکي د نوم د نه ښودلو په شرط ویلي چې دا حمله په اروزګان ولایت کې شوې ده. د ورځپاڼې پر اساس، وژل شوي او ټپي شویو پوځیانو په اروزګان کې د امریکايي سلاکارانو ساتنه کوله.

دا د اپریل له ۳۰ مې را په دې خوا لومړنۍ پېښه ده چې په ترڅ کې یې په افغانستان کې امریکايي محارب پوځي وژل کېږي.

له دې جلا نن /یکشنبه/ د جلال اباد په یوه مدرسه کې د چاودنې په نتیحه کې لږترلږه یو تن وژل شوی دی. د دې پېښې جزییات تراوسه پورې نه دي ترلاسه شوي.

113 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *