Categories

اعلان

Loading…

سوله که جګړه؟ | شفیق اندړ

د غزني له پیښې وروسته د طالبانو خلاف د عام ولس احساسات ډیر پاریدلي دي. هغوی چې د کابل په تلویزیونونو یا فیسوک پاڼو کې به یې په مستقیم یا غیر مستقیم ډول د طالبانو حمایت کاوه، په هغوی هم ظاهرا د شرم خولې راماتې دي او پخوانۍ قلقې یې بس کړې دي.

 د کمکي اختر په درشل کې کابو هر چا ویل چې اوربند پکار دی. حکومت د خلکو تر فشار لاندې اوربند اعلان کړ خو د لوی اختر په درشل کې حکومت ته سخته ده چې اوربند اعلان کړي ځکه د خلکو له غبرګون څخه ویرېږي. طالبانو د غزني په غمیزه کې نه یوازې په سیاسي لحاظ ډیر تاوان وکړ، په نظامي لحاظ یې هم په سلګونو کسان له منځه لاړل. اوس چې په غزني کې د جنګ اور مړ شوی دی او د دغه ولایت له کلیو او ولسوالیو او دغه راز د غزني د ګاونډیو ولایتونو له مختلفو سیمو معلومات رارسېږي، داسې ښکاري چې د غزني د تیرې اونۍ په پیښو کې طالبانو ته د سر دومره زیات تاوان ورسېده چې په تیرو لسو کلونو کې یې په هیڅ یوه بله جګړه کې دومره صدمه نه وه لیدلې.

 په غزني باندې د طالبانو تباه کوونکې حملې او د دوی ماتې ګڼو کسانو ته دا فکر ورپیدا کړی دی چې له طالبانو سره د سولې هڅې بې فایدې وبولي او له بلې خوا دې نتیجې ته ورسېږي چې طالبان هسې هم دا قوت نلري چې په نظامي لحاظ کامیاب شي نو د سولې مذاکراتو ته چندان ضرورت نشته.

 خو د دغو کسانو فکر ناسم دی. دا سمه ده چې طالب مشران به د ګاونډیو ملکونو تر اثر لاندې وي یا به شاید ملي مفکوره ورسره نه وي او د افغانستان او افغانانو تباهي ته به اهمیت نه کوي خو په هر حال دا مشکل په طالب مشرتابه کې دی، عام طالب د افغانستان اوسېدونکی دی او که د ده کورنۍ هم تباه کیږي، په حقیقت کې افغانستان صدمه ویني او افغانان صدمه ویني.

 هغوی چې یوازې د جنګ په ادامې باندې ټینګار کوي، د خپل عقل نه بلکې د خپلو احساساتو تر تاثیر لاندې راغلي دي. موږ باید دا حقیقت هیر نکړو چې د افغانستان په څلویښت کلن بحران کې چې هر وخت د بحران د ختمېدو امکان پیدا شوی دی، یو نوی مشکل رامنځ ته شوی او د جنګ عمر یې اوږد کړی دی. د غزني حمله هم شاید د دې لپاره وه چې په لوی اختر کې د اوربند مخه ونیول شي.

 کله چې طالبانو څو نوي فیصده افغانستان ونیو او دا تقریبا معلومه شوه چې په افغانستان کې به نور جنګ ختمیږي، ناڅاپه طالبانو د اسامه ننګه پیل کړه او د یو پردي قاتل په سر یې وطن ته له سره اور وراچاوه. کله چې پخوانی شوروي ولسمشر کورباچوف دې ته تیار شو چې خپل ټول عسکر له افغانستان څخه وباسي نو په پیښور کې ځینو تنظیمونو ناڅاپه نوې لانجې رامنځ ته او نوې غوښتنې مطرح کړې او په دې ډول په  افغانستان کې د جنګ عمر اوږد شو. کله چې ملګرو ملتونو د ډاکتر نجیب د حکومت په اواخرو کې د بې طرفه حکومت د جوړېدو طرحه وړاندې کړه او دا امید زیات شو چې افغانستان به سولې ته رسیږي نو ناڅاپه اتم د ثور رامنځ ته شو او د ملګرو ملتونو پلان په اوبو لاهو شو. زموږ څلویښت کلن تاریخ د داسې ګڼو مثالونو شاهد دی چې د سولې امید هر وخت د نویو حوادثو په دریاب کې لاهو شوی دی. څرنګه چې ځینې ګاونډي په افغانستان کې د تباهي اوږدېدل په خپله ګټه ګڼي او نن سبا شاید روسان هم د افغانستان د جنګ په دوام کې خپلې منافع وویني نو د غزني د تیرې اونۍ فاجعه باید ډیره غیر مترقبه رامعلومه نه شي.

 د غزني له قاتلانو او سوځوونکو سره ډیره ښه مقابله دا نه ده چې د جنګ په ادامې تاکید وکړو، بلکې برعکس، ډیره ښه مقابله دا ده چې اوربند وغواړو او د سولې د مذاکراتو په پیلولو تاکید وکړو. ځکه هغوی چې په غزني کې یې وحشت رامنځ ته کاوه، اصلي مقصد یې همدا د افغانستان د جنګ او تباهي د عمر اوږدول وو. دې حملې بله هیڅ توجیه نلرله. موږ ته پکار ده چې د احساساتو نه بلکې د عقل ومنو او د سولې هڅو ته د پخوا په شان ادامه ورکړو. موږ باید دا هم یاد ولرو چې د افغانستان او اسلام او افغانانو دښمنان به د سولې د هڅو د تخریب لپاره دغسې نور جنایتونه هم وکړي. زموږ څلویښت کلن تاریخ باید په دقت مطالعه شي او د جنایت تر شا پټ لاسونه او نیتونه وپيژندل شي.

433 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2