Categories

اعلان

Loading…

د کاندیدانو پر لیست نیوکې دوام لري- ارګ: د کمیسیونو پرېکړو ته درناوی کوو

تاند- په داسې حال کې چې ګڼ شمېر افغانانو د ولسي جرګې د کاندیدانو له لیست څخه د ضیاالحق امرخېل پر ایستل کېدو سخت انتقادونه کړي، ارګ وايي، انتخاباتي کمیسیونونه خپلواک دي او پرېکړو ته یې درناوی کوي.

د انتخاباتو خپلواک کمیسیون د ډېر شمېر کاندیدانو نومونه له ابتدايي لیسته ایستلي وو خو د انتخاباتي شکایتونو کمیسیون پر دې لیست له غوره وروسته پرېکړه وکړه چې یوازې د ۳۵ کاندیدانو نومونه حذف کړي.

د انتخاباتو خپلواک کمیسیون د انتخاباتي شکایتونو د کمیسیون له دې پرېکړې سره موافق نه دی او ټاکل شوې ده چې نن دواړه کمیسیونونه په خپل منځ کې پر دې موضوع خبرې وکړي.

ضیاالحق امرخېل

خو د انتخاباتي شکایتونو کمیسیون وايي، د کاندیدانو په اړه ۱۳۴ شکایتونه ورته رسېدلي و چې د دغو شکایتونو او د کاندیدانو د استدلال له اورېدو وروسته یې د ۱۰۲ تنو کاندیداتوري تایید کړه او ۳۵ نور یې له لیسته وایستل.

ویل شوي چې ځینو کاندیدانو د انتخاباتي شکایتونو کمیسیون ته د ځان د سپیناوي لپاره مراجعه ونه کړه.

همداراز ویل شوي چې د ځینو کاندیدانو پر خلاف زیات شکایتونه شوي او پر ضد یې اسناد برابر شوي خو د ځینو نورو پر ضد، چې د کاندیداتورۍ مستحق نه دي، چا شکایت نه و کړی.

د تاند له فیسبوکپاڼې څخه

د انتخاباتي شکایتونو د کمیسیون له لوري د نهايي لیست له اعلانېدو وروسته ارګ پر خپل وخت د انتخاباتو پر ترسره کېدو ټینګار کړی دی.

د ارګ خبرپاڼه په دې ډول ده:

د ملي وحدت حکومت تل رڼو، عادلانه او په موقع ټاکنو ترسره کولو ته ژمن ؤ او دی، د ټاکنیزو کمیسیونونو استقلالیت او واکونه په قانون کې څرګند او واضح دي. حکومت د هېواد نافذه قوانینو سره سم د ټاکنو کمیسیون او د ټاکنیزو شکایاتو کمیسیون استقلالیت ته بشپړ درناوی درلود او لري یې.

د اعلان شوي تقویم سره سم د ټاکنو ترسره کېدل د ملت او دولت غوښتنه ده چې د ملي وحدت حکومت له تعهد، د افغانستان له اساسي قانون او د هېواد له نورو نافذه قوانینو څخه سرچینه اخلي. نو په خپل وخت د ټاکنو په کېدو کې هیڅ ډول تردید ځای نه لري.

د دغې ملي پروسې او ازموینې بریا د ټولو اقشارو او ګرانو وطنوالو له خوا د هېواد د نافذه قوانینو له رعایت او د خلکو له همکارۍ پورې تړلې ده.

309 total views, 2 views today

onesignal_meta_box_present:
1
onesignal_send_notification:

1 comment

  1. Sultan Mohammad Reply

    موږ دشکایاتو اخیرنی پریکړی ته سترګی په لاره یو هرهغه څوک چه له لیسته حذف کیږی باید تیروتنی یی خلکو ته په ډاګه شی دمثال په ډول دامرخیل صاحب په مورد چه اکثره افغانان ورڅخه دفاع کوی تیروتنه یی په ډاګه شی بیاموږ ګورو چه هغه اشخاص چه هیڅ ځانونه افغانان هم نه بولی دهغوی په مورد څه فیصله کیږی

Leave a Reply to Sultan Mohammad Cancel reply

Your email address will not be published. Required fields are marked *