Categories

اعلان

Loading…

په غزني کې د سلګونو تنو له وژل کېدو سره سره لا هم جګړه روانه ده

تاند- له غزني څخه ترلاسه شوي راپورونه وايي چې د ښار حساسې برخې او دولتي ودانۍ د امنیتي ځواکونو په کنترول کې دي خو وضعیت هغسې هم نه دی چې د کورنیو چارو او دفاع وزارتونو ویندویان یې بیانوي.

د ښار په څو سیمو کې لا هم جګړه روانه ده. طالبانو ځینې ودانۍ نیولي او له هغو څخه ډزې کوي. شاوخوا یوولس نیمې بجې د ښار په ۲ ناحیه کې نښته پیل شوه چې د دې خبر د خپرېدو تر شېبې روانه وه.

روغتوني سرچینې وايي چې لږترلږه ۱۰۵ تنه وژل شوي او تر ۱۳۰ ډېر نور ژوبل دي.

نن /یکشنبه/ روغتوني سرچینو وویل چې په وژل شویو کې ۱۳ تنه ملکیان او نور امنیتي ځواکونه دي.

د طالبانو مرګ ژوبلې تر دې هم ډېرې دي خو کره شمېر یې څرګند نه دی.

د جګړې په لومړۍ ورځ /جمعه/ ادعا شوې وه چې شاوخوا ۱۵۰ تنه وسله وال طالبان وژل شوي یا ټپیان دي.

د ۲۰۳ اتل قول اردو مسوولان وايي چې د ښار په ځینو برخو او شاوخوا کې لا هم جګړه روانه ده.

د دې قول اردو مسوولان او د غزني د ولایتي شورا غړي وايي چې طالبانو د خلکو په کورونو کې مورچې نیولي دي.

د ښار ګڼې ودانۍ، په تېره بیا د تجارتي سیمې مارکیټونه او دوکانونه سخت زیانمن شوي یا بشپړ ویجاړ شوي دي.

د انتخاباتو د خپلواک کمیسیون سیمه ییز مشر تاییدوي چې طالبانو د دوی دفتر ته اور ورته کړی دی.

لا هم په ښار کې نه برښنا شته او نه اوبه. د کابل – کندهار لار هم بنده ده او سره له دې چې له کابله غزني ته استول شوی پوځي کاروان غزني ښار ته رسېدلی پر دې لاره ګڼ شمېر پُلونه او پُلچکونه د طالبانو له لوري ویجاړ کړل شوي دي.

ټاکل شوې ده چې نن /یکشنبه/ د ملي اردو لوی درستیز جنرال محمد شریف یفتلي غزني ښار ته لاړ شي او د جګړې قومانده په خپله غاړه واخلي.

484 total views, 1 views today

onesignal_meta_box_present:
1
onesignal_send_notification:

1 comment

  1. سلیم Reply

    انساخوره آیدییالوجي

    د آیدییالوجیو د ارزونې یو پارامتر په هغوی کې د انسان ځای دی. ترټولو ښه آیدییالوجي هغه ده چې د انسان او د انسان ښیګڼه یې محور وي. ترټولو بده آیدییالوجي هغه ده چې موهوم مقصد لپاره انسان او د هغه هستي دود کول ثواب ګڼي. داسې آیدییالوجیانې انسانخورې دي، انسانان خورې، په انسانانو چلیګي لکه موټر چې په تیلو. تولید یې مرګ ترور وحشت تباهي… ده

    دلته دجنګ علتونه به ډیر وي، خو ترټولو لوی علت په دوهمې آیدییالوجۍ کې پروت دی او روان جنګ د همدغې آیدییالوجۍ بیروني تظاهر دی. بنا که طبیعي او ریشه یي سوله غواړو نو باید هماغه ژور آیدییالوجیک ستراکچر کې بدلون راولو، له دې بغیر دا جنګ ابدي کیږي، هرکور به غزني شي، تول افغانستان غزني کیدی شي

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2