Categories

اعلان

Loading…

پرعامه ځایونو د بریدونو تر شا موخې | سید عبدالله پاچا

افغانستان کلونه جګړه کې هر ډول بریدونه او چاودنې تجربه کړې، خو وروستۍ هغه یې ځکه خطرناکې بلل کیږي چې عامه ځایونو کې د دفاع او ځان ساتنې هیڅ ډول تدابیر نه وي، په عامه خایونو کې له بریدونو سره دښمن یواځې د خلکو په وژنه هدف ته رسیږي او دا په انسانیت او اسلام کې تر ټولو پست عمل کیږي.

د نړۍ په هیڅ هېواد کې به پيدا نه کړئ چې د جګړې اړخ دې په عامه ځایونو بریدونه وکړي، داسې بریدونه چې موخه یواځې د خلکو وژل شوي.

ولې په عامه ځایونو برید

افغانستان کې کلونه فساد او د نشه يي توکو قاچاق ځینې ډلې او اشخاص دومره پړسولي چې اوس د حکومت د هر هغه اقدام پروړاندې ګډوډي جوړوي چې د فساد او د نشه يي توکو مخه نیسي.

دا خلک د جګړې له درکه پړسیدلي او د جګړې په دوام کې یې ګټې خوندي دي، نو د دې لپاره چې حکومت د سولې او ثبات لپاره وړاندې قدم ږدي، دا ډلې به د خپلو ګټو د خوندیتوب لپاره یو کار نه یو کار کوي.

اوسني حکومت په لویه اراده او پوره ډاډ سره د دې خلکو د مخنیوي لپاره کار پيل کړی او په دې برخه کې پراخ ولسي ملاتړ له ځان سره لري، خو دا چې له دې کار سره مبارزه اسانه نه ده، نو قرباني ورکول پکې حتمي دي.

اوس هغه ډلې چې فساد یې کړی، ځمکې یې غصب کړي، په خلکو یې ظلمونه کړي او د شخصي ګټو لپاره یې ګډوډي جوړه کړې، په ټول توان هڅه کوي، د حکومت تګلارې وننګوي او خلک په یو ډول نه یو ډول د حکومت پر خلاف راوپاروي.

تاسو به د ننګرهار په بریدونو کې لیدلي وي چې دښمن په ډيره بې شرمۍ سره د پوهنې، مستوفیت او کډوال په ادارو بریدونه وکړل او په دې بریدونو کې یې ملکي وګړي شهیدان کړل او ډير شمېر هغه اسناد او مدارک یې وسوځول چې کولای یې شول د ځینو اشخاصو اصلي څېرې په ډاګه کړي.

دا د جګړې بل اړخ دی چې حکومت او افغان ځواکونه ورسره مخ شوي دي، ځکه افغان ځواکونو د نظامي سیمو امنیت خوندي کړی، خو دښمن داسې ځایونو ته مخه کړې چې هلته د بریدونو مخنیوی ځکه ستونزمن دی چې عامه ځایونه دي او عامه ځایونو کې د هغو بریدګرو مخنیوی ستونزمن دی چې د خلکو په جامه کې راځي.

د افغان ځواکونو وړتیا

تاسو ولیدل چې افغان ځواکونه په افغان دښمنه کسانو پسې کلي په کلي ګرځي او له منځه یې وړي، نو د دې لپاره چې دښمن د خپلو ماتو غچ واخلي داسې ځای بریدونه کوي چې پر افغان ځواکونو باندې د خلکو باور کم شي او هغه راپورونه او لاسته راوړنې ترپوښتنې لاندې راولي چې کلونه خواري او زحمت پرې ویستل شوی دی.

اوس چې تر بل هر وخت پر افغان ځواکونو د خلکو تکیه زیاته ده، افغان دښمنه هېوادونه او داخلي کړۍ هڅه کوي دا باور بیرته له منځه یوسي او په ډله ییز بریدونو سره د حکومت او افغان ځواکونو کمزوري په نښه کړي.

که څه هم وروستي بریدونه چې په ننګرهار کې وشول، ټول پوهیږي چې ترشا یې کوم اهداف دي، خو بیا هم د حکومت سیاسي اپوزسیون او هغه ډلې چې له حکومت په شخصي ګټو مروروې دي، په دې ډول بریدونو کې یې حکومت او افغان ځواکونه ملامت وبلل.

ټول په دې پوهیږي چې په عامه ځایونو کې د بریدونو د مخنیوي لپاره که هر ډول اقدام وشي، ستونزمنه ده، ځکه که ووایو چې یو بریدګر ځان پورې چاویدونکي توکي وتړل، د عامه خلکو منځ کې روان دی، خو که دا وپيژندل شي، هم مخه یې نه شي نیول کیدلی.

ځکه دا بریدګر د عامو خلکو له جامو څخه ګټه اخلي او له خپل ژوند تېر دی، خو دا چې دښمن پست او رزیل دی، نو د دې لپاره پکار ده چې عام خلک په دې تړاو خپل مسوولیت ادا کړي او هر ځای د مشکوکو کسانو په اړه کشفي ارګانونو ته مالومات ورکړي.

په خپلو ځواکونو باور ولرئ، لکه څنګه چې هر ځل بریدګرو پسې ودانیو ته ننوځي او وژني یې، داسې په بریدګرو پسې غره او دښته کې ګرځي او هر ځای یې چې ګیر کړي، هملته یې له منځه وړي.

اوس چې تر بل هر وخت د افغان حکومت محبوبیت زیات شوی او خلک پرې راټول دي، په دې ډول بریدونو سره ځینې کړۍ غواړي په ولس کې د حکومت محبوبیت کم کړي او ولسونه د حکومت پروړاندې ودروي.

321 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2