Categories

اعلان

Loading…

د حکومت یو شمېر ناراضانو له جنرال دوستم سره خواله وکړ

تاند- د کندهار امنیه قوماندان جنرال عبدالرازق، د ملي امنیت پخواني رييس رحمت الله نبیل او یو شمېر نورو ناراضو سیاستوالو د یکشنبې په ورځ ناوخته له لومړي مرستیال ولسمشر جنرال عبدالرشید دوستم سره ولیدل.

د جنرال دوستم دفتر وايي، د رازق او نبیل ترڅنګ د ولسي جرګې مرستیال همایون همایون، د دې جرګې د کندهار استازو لالي حمیدزي، خالد پښتون او دغه راز عطاالله حبیب هم له جنرال دوستم سره ولیدل او هیواد ته یې د نوموړي په راتګ خوښي ښکاره کړه.

د لومړي ولسمشر دفتر وايي چې هغوی له جنرال دوستم سره په کتنه کې په دې ټینګار وکړ چې د جنرال دوستم حضور به د افغانستان پر سوله، ثبات او امنیت مثبت اغېز وکړي.

په خبرپاڼه کې همداراز راغلي چې دواړو خواوو د هیواد پر روانو حالاتو، راتلونکو انتخاباتو او د لوی ملي ايتلاف د هدفونو په اړه خبرې وکړې.

جنرال عبدالرازق، چې د بشري حقونو په پراخو سرغړونو تورن دی، تر دې وړاندې د بلخ له پخواني والي عطا محمد نور سره وکتل.

داسې ښکاري چې ښاغلی رازق غواړي سیاسي میدان ته راووځي او له ځانه سیاسي شخصیت جوړ کړي.

207 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *