Categories

اعلان

Loading…

پټان د مینې استازی | عصمت الله صالح

میاشت وړاندې سلمانۍ ته ولاړم، نايي راته د نیم سات انتظار وویل، زړه نا زړه پر چوکۍ کېناستم. څو شېبې مې له هېندارو په ډک دوکان کې یوه خوا بلخوا سترګې واړولې، ناڅاپه مې تر څنګ ناست سپین‌ږیري ته پام شو. بوډا مې په لاس کې د استاد منلي په سور رنګه کتاب (د لیک شېبې) ته وچې سترګې نیولې وې.

له سړي سره مې جوړ- پخیر وکړل، د کتاب د اخیستو اجازه یې وغوښتنه، ور‌مې کړ. له څو پاڼو اړولو وروسته یې خوندوره موسکا وکړه، زه ورته ځیر شوم، د بوډا سترګې د کتاب پر سریزه خښې وې، ښه شېبه وروسته یې کتاب راته ونیو او زیاته یې کړه: 


ـــ لیکوال د ټولنې رښتینی استازی دی؛ خو افسوس چې موږ دا ډول ښاغلي ډېر کم لرو…

.
موږ چې کله وایو، لیکوال د ټولنې استازی دی؛ نو د یو ډول شرم احساس کوو او دا تصور راسره وي، چې یره نو که یوه ګړۍ وروسته ناڅاپه له دې سړي (لیکوال) سره مخ شم، څومره درناوی به یې کوم. د دې استازي همدا عظمت بس دی، چې د ټولنې لوستوال بُعد یې له بشپړ درک وروسته د لاسونو ښکولول لوی ثواب ګڼي. 


خبره مې د نصیر احمد احمدي تر (پټان) ناوله کوله، چې په دې وروستیو کې له چاپه راووت او تر دې دمه په سلګونه کسانو ولوست. 


د پټان پاڼې ما هم واړولې؛ خو دا ځل مې ښې په غور واړولې او د تېر په څېر مې د احمدي په دې ناول کې ډېر نوي څه ولیدل، چې یو هم مینه وه. عشق خو تقریباً د احمدي صاحب په هر ناول کې شته؛ خو په پټان کې هغه محبت دی، چې لوستونکی یې له ژورې مطالعې وروسته، دغه پټان په تمامه مانا د مینې استازی بللی شي. 


مینه د انسان هغه دروني کیف دی، چې ټولې بېرونۍ چارې تر کنټرول لاندې راولي؛ خو دا تاثر له خیالي شېبو نه راوځي، بلکې د انساني حیات یو عظیم ضرورت یې بللی شو. 


خبره نه اوږدوم. موږ مینه کوو، خو پرې پوهېږو نه. د بېلګې په ډول زه.


زه د ورځې لس/ شل ځایه مینېږم، په پوهنتون کې چې کومه ښکلې نجلۍ ووینم، هماغه شېبه مې له خولې اوږد آه ووځي او هغه د ښایست یوازینۍ ملکه وبولم؛ خو لږ وروسته چې په کومه بله پسې ور‌مېږ کوږ کړم؛ نو بېرته مې خپله مخکینۍ خبره رد کړې وي…


خو پټان دا ټول تاثرات غیرمنطقي بللي او د ژوند دې ستر ضرورت (عشق) ته یې، هغه د چا خبره سالمه، کامله او تر ډېره منل‌شوې تیوري وړاندې کړې ده. 


د پټان په ټولو صحنو کې محبت په هغه ډول نه دی تعریف شوی، څنګه چې یې موږ پېژنو او هر ډول جمال، د دې تعریف چوکاټ ته ور‌غورځوو… .

#مطلب پټان ناول ولولئ، ښه کیسه ده. په کلیشه‌یي اصطلاح، زموږ د ژوند انځور دی

961 total views, 1 views today

onesignal_meta_box_present:
onesignal_send_notification:

1 comment

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2