Categories

اعلان

Loading…

د سرطان خبرداري ورکوونکې وسیله جوړه شوه

تاند- په وروستیو کلونو کې د سرطاني ناروغیو د درملنې په برخه کې زیات پرمختګ شوی خو لا هم د دې ناروغۍ مخه نه ده نیول شوې، په تېره بیا هغه وخت د سرطان درملنه ناشونې شي چې پرمختللي پړاو ته ورسېږي.

له همدې کبله ډېرې څېړنې په دې کېږي چې د سرطان عوامل وپېژندل شي یا مخکې تر دې چې دا ناروغي په بدن کې وده وکړي، وپېژندل شي.

په لومړي پړاو کې د سرطان تشخیص د درملنې امکان خورا زیاتوي.په سویس کې څېړونکو یو ډول سیستم جوړ کړی چې د انسان تر پوست لاندې د ایمپلینټ په بڼه اېښودل کېږي او که د چا په بدن کې د سرطان لومړنۍ نښې رابرسېره شي، خبرداری ورکوي.

هرڅومره چې سرطان ژر تشخیص شي ژر او اسانه یې درملنه کېدای شي.

په سویس کې د زوریخ (ETH Zurich) انستیتیوت څېړونکو د ۴ ډوله سرطانونو مخکې تر مخکې خبرداري ورکوونکی سیستم جوړ کړی دی.

دا سیستم د وینې د کلشیم اندازه څاري او ناروغ ته خبر ورکوي.

د خبر ورکولو طریقه یې دا ده چې پر پوستکي یې یو خال پیدا کوي. د خال معنا دا ده چې سرطان په پیلېدو دی.

د دې سیستم په وسیله خال تر دې ډېر مخکې چې په نورو وسایلو د سرطان څرک ولګېږي، پر پوستکي پیدا کېږي.

دا سیستم د پروستیت، سږو او سینې د سرطان په تشخیص کې زیات بریالی ښکاري.

24 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *