Categories

اعلان

Loading…

د تودوښې او زیاتې رڼا مخنیوونکې ځیرکې کړکۍ

تاند- په سویس کې ساینسپوهان د داسې ځیرک یا سمارټ کړکۍ د جوړولو هڅه کوي چې د روڼوالي ترڅنګ خونې یا ودانۍ ته تر اندازې زیاته تودوښه او رڼا نه پرېږدي.

سویسي څېړونکي وايي، د دې لپاره چې رڼا او تودوښه د کړکیو له لارې ودانۍ ته ننوځي نو د یوې داسې ساده او اسانې لارې د موندلو په لټه کې دي چې دا ستونزه کمه شي.

دوی وايي، په کړکیو کې د کوچنیو منعکس کوونکو هیندارو په نصبولو دې هدف ته رسېدای شي.

د سویس د (EPFL) او (Empa) څېړونکي اوس د ځیرکو کړکیو پر جوړولو بوخت دي چې هم به رڼې یا شفافې وي او هم به نه پرېږدي چې کور ته د رڼا وړانګې ننوځي. دا اورسۍ یا کړکۍ به له دې سره په یو وخت تودوښه کور ته نه پرېږدي.

څېړونکي وايي چې په لومړنیو ازمېښتونو کې بریالي شول چې په سلو کې د ۸۰ رڼا مخه واړوي.

دوی وايي چې په ژمي به بیا د دوبي خلاف دا کړکۍ او شیشې یې په خونو کې زیاته رڼا او تودوښه خپروي.

164 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *