Categories

اعلان

Loading…

د نصیراحمد احمدي بل ناول (اخ، وطنه!) چاپ شو

اخ، وطنه! د نصيراحمد احمدي نوی ناول دی چې په جلال اباد کې مومند خپرندويه ټولنې چاپ کړ. په ناول کې حيوانات او الوتونکي د د يوه پښتون (رحمدل) په ژوند، خويونو او فکر غږېږي.

د اخ، وطنه! يوه وړه برخه:

” …هيلۍ وويل: 
– د رحمدل دا دويمه ښځه ښايستوکې ده، خو غاړه يې سره ښکاري، ولې؟ 
پيشو وويل:
-نيازۍ نومېږي. دا د رحمدل د څپېړې نښه ده، رحمدل درانه لاسونه لري، خدای که يې د څپېړې نښه مياشت هم ورکه شي. 
هيلۍ وويل: 
– ولې؟ نيازۍ څه کړي وو؟
– پيشو چرګې ته وکتل: 
– چرګې، چوچوڼي دې لرې که، بيا به راته وايې چې بې‌ادبه يې، د ماشومانو خبرې نه دي. 
چرګه له خپلو چرګوړو سره لاړه. 
پيشو وويل: 
-دوې شپې مخکې دباندې په خوړو پسې ګرځېدم، شپه وه، خو سپوږمۍ ته د موږک برېت هم ښکارېده. د رحمدل غوسه‌ناک غږ راغی، په کړکۍ کې ورته کېناستم. يو ځای پرده چوله وه. رحمدل له نيازۍ مچکه غوښته، ساده مچکه نه وه، له شونډو يې خوله اخيسته، خو د نيازۍ زړه نه و. رحمدل ته غوسه ورغله، له ناړو سره يې شنه نسوار بادېدل. بيا يې د ښځې غاړې ته کلکه څپېړه ورکړه. ويل يې چې يا د مېړه حقوق نه دي در مالوم، يا کوم بل يار لرې. 
خرې وويل: 
-نيازۍ ملامته ده، ټکه خو نه لوېده. پردي سړي خو خوله نه ترې غوښته. 
پيشو ور وکتل، له ډېرې غوسې يې د برېتو تارونه نېغ ودرېدل. و يې ويل: 
-خرې، سترګې دې پټې کړه. 
خرې په حيراني ورته کتل…
پيشو وويل:
-زما خبره ومنه. 
خرې سترګې پټې کړې. 
پيشو وويل:
-همدا اوس دې په ذهن کې د رحمدل څېره در تېره که. 
-را تېره مې کړه. 
-رحمدل درغی. 
خرې وويل:
-راغی. 
-مخ ته يې خپلې غټې، له وېښتو ډکې سپږمې او تورې ډبلې شونډې در نږدې کړې.
-دا يې را نږدې. نو څه!؟ 
-يو دم يې ستا پر پلنو تورو شونډو، خپلې لندې شونډې کېښودې. د رحمدل له نسوارو ډکې ترخې لاړې خولې ته درغلې… 
خرې کانګې کړې، مخ يې واړاوه. تر ډېره يې زړه هسکېده. 
هيلۍ وويل: 
-بدمرغه ښځه. له دې سره به څوک شپه تېره کې. 
پيشو په خبره کې ور ولوېده:
-ولې نصيب!؟ نصيب به شپه ورسره تېروي، دا خلک هر څه په نصيب پورې تړي، رحمدل يې په نصيب کې و. نيازۍ به تر مرګه همدې مردارخور نصيب ته ناسته وي….”.

1,510 total views, 7 views today

onesignal_meta_box_present:
onesignal_send_notification:

1 comment

  1. Nasrat ullah Reply

    موږ باید هڅه وکړو چې تر څوخپله پښتو ژبه غني کړو او ډیر کوشش بایدووکړو

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2