Categories

اعلان

Loading…

پاکستان ته د پور له ورکړې سره د امریکا مخالفت او د روپیو د ارزښت د کمېدو احتمال

تاند- د ایراني تومانه له بې ساري لوېدو وروسته داسې ښکاري چې اوس د پاکستاني روپیو وار دی.

د امریکا د بهرنیو چارو وزیر د پیسو نړیوالې بسپنې (آی ایم ایف) ته خبرداری ورکړی چې که پاکستان ته پور ورکوي نو باید د دې صندوق په پیسو پاکستان د چین پور پرې نه کړي.

د رویټرز خبري اژانس د راپور له مخې، پاکستان د پیسو له نړیوالې بسپنې څخه د ۱۲ ملیارد ډالره پور هیله لري.

چین په وروستیو کې پاکستان ته د ۲ ملیارد ډالره پور د ورکولو ژمنه وکړه.

د اقتصادي چارو کتونکي وايي، د پورونو د زیاتېدو له کبله پاکستان مجبوره دی چې واردات لږ کړي، او له بلې خوا د اسعارو د کموالي له کبله مجبوره دی چې د بودجې او سوداګري کسر د انډول لپاره د خپلو پیسو ارزښت ټیټ کړي.

په دې صورت کې ډېر احتمال شته چې د پاکستاني روپیو ارزښت ټیټ شي.

د اقتصادي چارو څینې کتونکي افغانانو ته مشوره ورکوي چې که پاکستاني روپۍ لري، هغه په افغانیو یا ډالرو واړوي ځکه چې د پاکستاني روپیو ارزښت مخ په کمېدو دی.

261 total views, 2 views today

onesignal_meta_box_present:
onesignal_send_notification:

1 comment

  1. جمال Reply

    ایله چې یو د خوشحالۍ خبر مو واورېد.

Leave a Reply

Your email address will not be published. Required fields are marked *