Categories

اعلان

Loading…

د ډالر په وړاندې د ایراني تومان ارزښت پر له پسې لوېږي

تاند- د ایران تومان پر له پسې ارزښت له لاسه ورکوي او نن /یکشنبه/ هر امریکايي ډالر په څه باندې ۱۱ زره ډالره تبادله کېده.

تر غرمې مخکې د ډالر په وړاندې د تړمان ارزښت تر ۱۰ زره واوښت چې یو هېښوونکی حالت یې رامنځته کړ خو څو ساعته لا نه و تېر شوي چې له ماسپښین راوروسته تر ۱۱ زرو تېر شو.

د تومان د ارزښت پر له پسې کمېدا د هغو افغانانو لپاره بد خبر دی چې په ایراني پیسو راکړه ورکړه کوي او یا یې د افغانیو او ډالرو په ځای تومان ساتلي دي.

د افغانستان په لوېدیځو ولایتونو لکه فراه، هرات او نیمروز کې ګڼ خلک په ایراني تومان راکړه ورکړه کوي.

د ایران مرکزي بانک د تومان د ارزښت د لوېدا علت د دښمنانو دسیسه بللې ده.

د ایران مرکزي بانک

د ایران حکومت تر دې مخکې هم د دې پر ځای چې خپل اقتصاد ته پام زیات کړي د خپلو اقتصادي ستونزو او د پیسو د ارزښت د بایللو پړه په بهرنیو هیوادونو یا د پیسو په ایراني دلالانو اچولې ده.

ایران نه دی توانېدلی چې د خپل اقتصاد اتکا له تېلو خلاصه کړي او دا په داسې حال کې ده چې د امریکا بندیزونو دا وېره پیدا کړې چې اکثره هیوادونه حاضر نه شي چې له ایران څخه تېل رانیسي.

تېره اوونۍ هند د ایران یو ملیون بېرله تېل رد کړل.

اکثره هیوادونه د امریکا د بندیزونو او نفوذ له بېرې نه غواړي چې له ایران سره سوداګري معاملې وکړي.

تراوسه پورې هیڅکله د ډالر په وړاندې د ایراني تومان ارزښت دومره نه و ټیټ شوی.

همداراز د سرو زرو بیه هم په بې ساري ډول ختلې ده.

20 total views, 1 views today

onesignal_meta_box_present:
1
onesignal_send_notification:

3 comments

  1. بریال Reply

    علاوه پردې ایران له خپلو اقمارو لکه « عراق ، سوریه ، لبنان ، یمن » او په نورو هېوادونو کې د خپل پنځم ستون ساتلو او راتلونکو فرمایشاتو لپاره بېدرېغه او هراړخیزه مرسته کوي.
    له سعودي عربستان سره عملا د یمن په سر په جګړه کې مصروف دی ، په سوریه او عراق کې له درې څلورو کلونو راهیسې د « داعش » پرضد مخامخ په جګړه بوخت دی . په دومره لویه پیمانه په یادو هېوادونو کې جنګي مصروفیت ورو ورو د ایران اسلامي جمهوریت د متوفي شوروي اتحاد په سرنوشت اخته کوي . لرې نه ده چې د ایران مظلوم ولسونه لکه عربان ، کردان ، لور ، بلوچان ، ترکمنان او …. به د فارس امپراتوري د وروستیو ظالمانو له یوغ او اشغال نه آزاد کړي.
    بریال

  2. فرید احمد Reply

    سلام سهار موپه خیر!
    فکر کوم یوڅه اشتباه شوی په راپورلیکلو کښی مو اصلاح یی کری.
    .هر امریکايي ډالر په څه باندې ۱۱ زره ډالره تبادله کېده.

Leave a Reply

Your email address will not be published. Required fields are marked *