Categories

اعلان

Loading…

د افغانستان یا د شخصي ګټو د نجات ایتلاف | عبدالرحیم کاروان

کابل ته د جمهوري ریاست د لومړي مرستیال جنرال عبدالرشید دوستم له راتګ سره جوخت د افغانستان د نجات ملي ایتلاف هم جوړ شو. د دغه ایتلاف هدف د روانو ناخوالو د حل لارو لټول او عملي کول اعلان شوي دي.

په دیموکراتیکو ټولنو کې د سیاسي ګوندونو او ایتلافونو موجودیت یوه ضروري مساله ده چې د ولسواکۍ ټينګښت په برخه کې ارزښتمن رول ادا کوي. د سیاسي ګوندونو او ایتلافونو د فعالیت، برنامو او کړنو په نتیجه کې ده چې د حکومتونو ستونزه په ګوته کېږي، د اصلاح لپاره یې مشخص وړاندیزونه کېږي او په نتیجه کې یې حکومت، دولت او ټولنه سم او مثبت لوري ته رهنمايي کېږي.

خو په افغانستان کې ستونزه دا ده چې نه ګوندونه او نه هم ایتلافونه برنامه نه لري. پر دې سربېره چې افغانستان کې ګڼ شمېر ګوندونه فعالیت لري خو هېڅ یو یې هم د روان وضعیت سمون لپاره طرحه نه لري. د طرحې او برنامې نشتوالی پر دې منتج شوی چې د سیاسي احزابو فعالیت یوازې د شخصي او ګروهي ګټو تامین پر محور راوڅرخي.

د افغانستان د نجات نوی رامنځته شوی ایتلاف هم له ورته ګوندونو څخه جوړ دی چې تر ټولو اساسي ستونزه یې د پلان، برنامې او طرحې نشتون دی. کوم ګوندونه چې پدغه ایتلاف کې شامل دي د سیاسي فعالیت برعلاوه پوځي فعالیت هم لري. دغه ګوندونه له نامسوولو وسلوالو څخه ملاتړ کوي، د وسلو او مخدره توګو په قاچاق کې ګرم پېژندل شوي او په وروستیو کې پرې فشارونه هم زیات شوي دي.

ایتلاف وروسته له هغه د موجودیت اعلان وکړ چې هم پر نامسووله وسلوالو فشارونه زیات شوي او هم د سیاسي ډلو نارواو او له قانون څخه پورته غوښتنو ته حکومت منفي ځواب ورکړی دی. د حکومت د فشارونو له امله په ایتلاف کې د شاملو کسانو، ډلو او ګوندونو شخصي او ګروهي ګټې له خطر سره مخ شوي دي. دوی د دې لپاره چې خپلې ګټې، نامسووله وسلوال او پاتې قدرت وژغوري، ایتلاف یې رامنځته کړ. خو دغه ایتلاف به دوام وکړي؟

د تېرو ۱۷ کلونو په اوږدو کې هر کله چې د سیاسي ګوندونو ګټې له خطر سره مخ شوي، په یوه ټغر را ټول شوي او د خپلو ګټو خوندیتوب لپاره یې ایتلافونه رامنځته کړي. خو همدا چې د ایتلاف د یوه غړي ګټې له بلې لارې تامینې شوي، نو له ایتلاف څخه وتی دی. د ایتلاف د هر یوه وتل پر دې منتج شول چې ایتلافونه لمنځه لاړ شي. تېرې تجربې دا په ګوته کوي چې دا شان ایتلافونه دوام نشي کولای.

د دغه ایتلاف یو اساسي مشکل دا دی چې واحده رهبري نه لري. د واحدې رهبرۍ نشتوالی د هرج و مرج باعث کېږي. که چېرې د حکومت یا هم بهرنیو لخوا په مجموعي توګه ایتلاف ته کوم امتیاز منل کېږي نو دوی به یې پر ویش نه سلا کېږي. هر یو به یې د خپلو شخصي ګټو د ټينګښت په لټه کې وي چې دا کار مستقیمه د دغه ایتلاف پر پایښت منفي اغېز پرې باسي.

بل لور ته که څه هم د افغانستان د نجات ایتلاف غړیو پر حکومت او د حکومت پر سیاستونو نیوکې وکړې، خو د اصلاح لپاره یې هېڅ ډول طرحه نه درلوده. دوی یوازې پر نیوکو اکتفا وکړه. د ستونزو د حل لپاره حللاره نه لري او پر دې یې بسنه وکړه که چېرې زموږ حق رانکړل شي نو حکومت ته به سرخوږی جوړ کړو. د دوی له خبرو دا ښکاره کېږي چې دوی تګلاره نه لري، د ستونزو حللاره نه لري او یوازې د دې لپاره را ټول شوي چې خپلې ګټې خوندي او زیات امتیازات ترلاسه کړي.

دا چې دغه ایتلاف، برنامې، طرحې او تګلاره نه لري او یوازې د شخصي ګټو خوندیتوب په هدف سره را ټول شوي، نو دا ویل کېدای شي چې د دوی د شخصي او ګروهي ګټو په خوندیتوب سره به ایتلاف لمنځه لاړ شي. یوازې کافي ده چې دغه ایتلاف ته یو عادي ټکان ورکړل شي.

108 total views, 2 views today

onesignal_meta_box_present:
onesignal_send_notification:

1 comment

  1. Mujahid Reply

    قرآنکریم میفرماید:
    اتأمرون الناس بالبر وتنسون انفسکم …….
    تحسبهم جمیعا و قلوبهم شتی……
    لم تقولون ما لا تفعلون ، کبر مقتا عندالله ان تقولوا ما لا تفعلون
    مثل الذین حملوا التوراة ثم لم یحملوها کمثل الحمار یحمل اسفارا
    این ها شمه ای از آیات قرآنکریم اند و آغای محقق که قرآنکریم خوانده و دعوای جهاد دارد این آیات متبرکه را به مؤتلفین اش ترجمه و تفسیر کند خدا کند کما فی السابق به ( پیش کله حمار (ایشک) ) یاسین خواندن نماند وحق قرآن خواندن را با تدبر و تعقل انجام دهند زیرا اکثریت این مؤتلفین ، حق خواندن قرآن را نمی دانند واز فهم لازمی عاری اند وحتی بعضی شان از روی هم خوانده نمی تواند با آنکه لیډر حزب دو میلیونی خوانده می شود و القاب دیګر بالا بلند هم دارد ، ولی شرانګیزان جهانی او را مطرح و ملت مؤمن را بر آن میدرد زیرا توان درندګی بالا وتجربه اضافه از سی سال دارد!!!! وای بر پیروانش.
    قابل توجه رئیس جمهور و وزارت عدلیه!
    ما قانون احزاب داریم یا خیر، اګر هست چه کسی مسؤل تطبیق آن است؟
    آیا سارقین، اختطاف ګران، دزدان مستند ۱۵ ساله بیت المال ،غاصبین، قاتلان ملت ، دزدان چارتراش که فعلا شاخدارند، قاچاقبران مواد مخدرو شرابیان حیوان صفت شورای ملی ، دزدان البسه ،اعاشه ، سلاح ومهمات، وسایل جنګی حتی تانک ،طیاره و روغنیات قوای امنیتی و پوسته فروشان، میلیاردر جهاد و والی انحصارګر،یاغی و شر انګیز بلخ ، دزدان منافع ملی و قرااردادیان لوای فاطمیون و مزدوران اجنبی که همه آنها مردم ،دولت و بیت المال را شدیدا متضرر وتباه ساخته و….و………
    این ها به قوت احز اب شان تا حال این تخلفات ،فساد و جنایات را علیه ملت تحمیل کرده و خصوصا در دوره ۱۴ ساله خادم المفسدین. این ګراف به نقطه اعظمی اش رسیده و سبب شد که تحت قیادت همین مفسدین تنظیمدار ، حکومت افغانستان در ردیف مفسدین درجه اول قرار ګیرد
    از قرارداد سقاوی بن که منحصر به همین ګروههای انحصارګربود فساد این دوره ننګین نیز منحصر به همین قهرمانان فساد بوده که اضافه از ۹۰٪ ارکان این احزاب ،ملوث به فساد غلیظ و جرایم متکرر بوده وبا افتخار خادم المفسدین فرمودند بخورید ولی به بیرون نبرید که مسابقه در فساد اوج ګرفت و امروز حکومت د. غنی با مشکلات و موانع زیاد در اصلاحات و پیشرفت مواجه می باشد
    قرار قوانین مروجه دنیا همچو احزاب حق شرکت در انتخابات را نداشته و برای چندین دوره از انتخابات محروم می شوند تا لوث شان پاک کاری شود وارکان شان به شمول رئئس جمهوروقت به حساب دهی محول می شوند ، ولی متأسفانه امروز با دیده درآیی به چشم ملت از عدالت و حق پسندی سخن می رانند ګویی ملت حافظه ندارد
    مناسب همین است که هرکدام این قهرمانان فساد وجنایت بعد از تصفییه حساب و تحصیل برائت به کار شان ا دامه دهند

Leave a Reply to Mujahid Cancel reply

Your email address will not be published. Required fields are marked *