Categories

اعلان

Loading…

طالبانو له امریکایانو څخه د خپل دفتر د رسمي کېدو غوښتنه کړې

تاند- د طالبانو د واکمنۍ د مهال یوه وزیر تایید کړه چې د امریکا او طالبانو استازو په قطر کې مخامخ خبرې کړي دي.

ملا معتصم اغا جان، چې د طالبانو د واکمنۍ له پرزېدو وروسته د طالبانو د سیاسي کمیسیون مشر و، له ترکیې څخه پرون /جمعه/ ډیلي ټایمز ورځپاڼې ته وویل چې دا ډول نورې خبرې به هم په راتلونکو ورځو کې وشي.

ملا معتصم اغا جان وویل«د طالبانو سیاسي استازو او امریکايي مامورینو په قطر کې ولیدل. په دې خبرو کې بل چا ګډون نه درلود.»

ډیلي ټایمز ورځپاڼه وايي، د طالبانو د قطر د دفتر غړیو په دې اړه له څه ویلو ډډه وکړه.

خو ورځپاڼې د قطر دفتر ته د نژدې سرچینو په قول ویلي چې طالبانو له امریکایانو سره په خبرو کې یو وار بیا غوښتنه کړې چې د دوی د قطر دفتر دې پرېښودل شي چې د طالبانو سپین بیرغ پرې وځړوي او د اسلامي امارت دفتر لوحه پرې نصب کړي.

په ۲۰۱۳ کې هم طالبانو پر خپل دفتر «د افغانستان د اسلامي امارت» لوحه لګولې وه او سپین بیرغ یې ځوړند کړی و خو د حامد کرزي د حکومت د اعتراض له کبله قطري چارواکي مجبوره شول چې د طالبانو لوحه او بیرغ کښته کړي.

اسوشیتید پریس خبري اژانس ته هم د طالبانو یوه مشر نن /شنبه/ ویلي چې د الیس ویلز په مشرۍ امریکايی پلاوي د لومړي ځل لپاره مخامخ خبرې کړي دي.

اژانس وايي چې امریکايي چارواکو تراوسه پورې دا خبر نه رد کړی او نه تایید کړی.

طالب مشر، چې نه یې غوښتل نوم یې څرګند شي، ویلي چې دا خبرې ابتدايي وې او په راتلونکې کې به دوام وکړي.

طالبان له ډېرو کلونو راهیسې ټینګار کوي چې یوازې له امریکایانو سره د افغانستان د جګړې د پای ته رسېدو په اړه خبرې کوي.

امریکا مخکې ویل چې طالبان دې د افغانستان له حکومت سره خبرې وکړي او بیا یې وویل چې حاضر دي چې د افغانستان د حکومت او طالبانو په خبرو کې ګډون وکړي.

راپورونه وايي چې د قطر له خبرو جلا د افغانستان، سعودي عربستان او متحده عربي اماراتو د جګپوړو استازو ترمنځ په ابوظهبي کې د افغانستان د سولې په اړه مهمې خبرې شوي دي.

د تېر کوچني اختر له اوربنده وروسته په افغانستان کې سولې او پخلاینې ته هیلې زیاتې شوي دي.

469 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2