Categories

اعلان

Loading…

پر سمه لار نه ځم پر پیچومي خیژم! | ودان روښان  

په داسې حال کې چې افغان دولت لا ډېر پخوا اعلان کړی چې طالبانو او د حقاني شبکې سره د خبرو له پاره هیڅ راز، شرط نه وړاندې کوي او له افغانستانه د بهرنیو پوځیانو وتلو په ګډون ټولې مسلې د خبرو وړ دي. په دې مانا چې که طالبانو د سولې خبرو په اجنډا کې هره مسله شاملېدی شي.

د تېرې کال کب میاشتې په لومړیو کې د کابل بهیر غونډه  کې طالبانو ته د ولسمشر غني بې ساري وړاندیزونه ښیي چې کابل چمتو دی له قید او شرط پرته طالبانو سره د سولې خبرې پیل کړي.

که وکتل شي د نړۍ په هیڅ ګوټ کې د خبرو له پیل  مخکې دغه ډول امتیازونه مخالفینو ته نه دي اعلان شوي د بېلګې په توګه د یوه سیاسي چوکاټ په ترڅ کې  طالبان د یوې سیاسې ډلې په توګه په رسمیت پېژندنه او د هغوی دفتر پرانیستل کېدل.

اوربند او د طالبانو بندیانو خوشې کول، له نړیوال تور نوملړه د طالب مشرانو نومونو لرې کول او د سولې له بهیر سره یوځای شویو طالبانو امنیت ساتل، ان پر اساسي قانون بیا کتنه د ولسمشر غني په وړاندیزونو کې راغلي وو.   

خو په مقابل کې یې طالبان همدا یوه خبره کوي چې له افغان دولت سره نه بلکې چمتو دي له امریکایانو سره خبرې وکړي. ددوی دلیل دادی چې افغان دولت واک نه لري؟!، ددوی غوښتنه له هېواده د بهرنیو ځواکونو وتل او شرعي نظام حاکمول او … دي.

سره له دې چې کومې امریکایي ورځ پاڼې په دې وروستیو کې لیکلي چې ولسمشر ټرامپ امریکایي دیپلوماتانو ته له طالبانو سره د مخامخ خبرو لارښوونه کړې ده خو په افغانستان کې د ناټو او امریکایي ځواکونو قوماندان جان نیکلسن ویلي چې “امريکا د افغانستان د خلکو او يا د افغان حکومت ځايناستې نه ده، خو امريکا چمتو ده له افغان حکومت، طالبانو او افغانانو سره سولې ته رسېدو په برخه کې مرسته وکړي”  

دا په یو ډول د افغان دولت دریځ پیاوړی کوي په دې مانا چې د سولې په اړه خبرو او پرېکړو کې امریکایان نه یوازې د افغان دولت مخالفت نه کوي بلکې په دې لار کې مرسته هم کوي.   

له دې سره جوخت افغان دولت هم اعلان کړی چې د افغان حکومت او طالبانو ترمنځ د سولې خبرې د افغانانو په رهبري ترسره کیږي او امریکا په دغه بهیر کې د اسانتیاو په برابرولو کې له افغانستان سره همکاري کوي. چې په دې سره د امریکا او طالبانو ترمنځ مخامخ خبرې نفي کېږي او باید هم داسې وي. داسمه ده چې امریکا د افغانانو ستر ملاتړی هېواد دی خو افغان دولت په نړیواله کچه په رسمیت پېژندل شوی، افغانستان خپلواک، د ملي واکمني او ځمکنۍ بشپړتیا درلودونکی هواد دی، اساسي قانون، منتخب حکومت او به دمکراتیک ډول ټاکل شوي بنسټونه لري، چې دغو ټولو ته په کتو نه ښایي بل څوک د هغه پرځای برېکړه وکړي.

اوس راځو دې ته چې طالبان ولې د سولې خبرو له پاره دغه ډول شرط وړاندې کوي؟  د طالبانو په دغه دریځ کې څه ډول منطق پروت دی؟ که رښتیا هم خبره د بهرنیو ځواکونو وتلو په اړه وي نو افغان چارواکو خو ویلي چې په دې اړه هم خبرو ته چمتو دي او دا مسله د خبرو په اچنډا کې شاملېدی شي او امریکایانو هم په ډاګه ویلي چې دوی له افغانانو سره سولې ته د رسېدو له پاره مرستې ته چمتو دي نو بیا دوی( طالبان) د امریکایانو په مخونو مین دي که څه چې غواړي له هغوی سره خبرې وکړي؟ په امریکایانو کې یې څه لیدلي دي چې له هغوی سره پر مخامخ خبرو ټینګار کوي؟ خو داسې ښکاري چې طالبان هسې د جګړې دوام، د نورو د ګټو او موخو او یو څه هم د خپلې وړې ګټې چې له سترو هېوادنیو ګټو سره د پرتلې نه دي، له پاره د افغانانو وینې توییدو ته پلمې لټوي. د طالبانو له دغه دریځه داسې ښکاري چې د خبرو او پرېکړو په اړه افغان دولت نه بلکې خپله طالبان واک نه لري، ددې ادعا له پاره کافي شواهد او سندونه هم شته او هغه دا چې په تېرو شاوخوا ۱۵کالو کې چې کومو طالب مشرانو سولې ته لږ لیوالتیا هم ښودلې افغان دوښمنه استخباراتي کړیو یا له منځه وړی لکه په خپله د طالبانو مشر ملاعمر، د طالبانو د واکمني ددفاع وزیر ملاعبیدالله، د طالبانو بل مشر ملا اختر محمد منصور، د طالبانو د واکمني د شهیدانو او معلولینو چارو وزیر مولوی عبدالرقیب او نور چې په مرموز ډول ووژل شول. دغه راز، ملابرادر چې سولې ته د لیوالتیا په تور لاهم د زندان تورو تنبو تر شا له وحشیانه شکنجو سره مخ دی خو د طالبانو د واکمنۍ د مالیې وزیر ملااغلاجان معتصم بیا نیکمرغه و چې په ترهګریز برید کې له ټپي کېدو وروسته په تېښته بریالی شو هغه هم چېرته د سولې له پاره ښه نیت شودلی و. اوس نو که طالب مشران د سولې خبرو ته زړه ښه هم کړي نو د یادو کسانو برخلیک یې نیغ سترګو ته درېږي. یو وخت مجاهدین هم له ورته برخلیک سره مخ وو، که هرڅو ډاکتر نجیب د سولې خبرو وړاندیزونه ورته کولو ان یو ځل یې اعلان وکړ چې به مکه مکرمه کې له مجاهدینو سره خبرو ته چمتو دی چې د هغه د وړاندیزونو منل له تردید پرته د افغانستان او افغانانو په ګټه و خو هغې استخباراتي کړۍ چې د افغانستان ورانی یې خپله موخه ټاکلې وه مجاهدین او په ټوله کې افغانان کله پرېښودل چې په خپل هېواد کې سوله او سم سمکی راولي. مجاهدینو هم همدا خبره کوله چې له روسانو سره خبرې کوي خو نجیب سره یې نه کوي، داسې وخت هم راغی چې له روسانو سره یې هم خبرې وکړې خو موږ ټولو ولیدل چې هیڅ  ګټه یې هم ونه کړه، روسان ووتل، د ډاکتر نجیب حکومت خپله د هغه پلورل شویو جنرالانو او له دولت بهر متعصبو کړیو په دسیسه کې ړنګ شو خو ملت ته یې پایله تباهي او د لازیاتو هغو وینو توییدل وه چې که مجاهدین خپلواک وی، ښایي نه وی تویه شوې. همغه مجاهدین چې کله هېواد ته راغلل او په تنطیمي جګړو کې سره ښکر پر ښکر شول نو بیا یې د نجیب بوټپاکانو او دروازه وانانو سره هم خبرې او جوړجاړي وکړل.

طالبان دې هم پر دې و پوهېږي چې دغه ډول دریځ ته د دوی هڅول یوازې او یوازې په افغانستان کې د لاډېرو وینو تویولو او د جګړې دوام ته له پلمې جوړولو پرته بل هیڅ دلیل نه لري، که دوی خپل واک وي او د نورو ګټې نه تمثیلوي نو مهرباني دې وکړي خپلې منطقي، معقولې او ملي غوښتنې دې له افغان دولت سره د خبرو پر ټغر مطرح کړي باور دی چې اوسنیو ملي، سیمه ییزو او نړیوالو شرایطو ته په کتو تر ډېره شونې چې له افغانستانه د بهرنیو ځواکونو وتلو په اړه د طالبانو غوښتنه هم په مناسبه توګه پوره شي چې البته دا نه یوازې د طالبانو بلکې د ډېرو افغانانو غوښتنه هم ده. اوس چې سولې ته د رسېدو لار اواره ده نو که داسې وي چې د دوی غوښتنې له افغان دولت سره د خبرو پر ټغر پوره کېدی شي نو بیا له امریکایانو سره د خبرو څه اړتیا ده؟ مانا دا چې سمه او بې خطره لار شته  نو بیا ولې پر پیچومي وخیژو؟ خو که خدای مه کړه چې د خبرو پر میز د طالبانو منطقي او ملي غوښتنې پوره نه شوې او یا څرګنده شوه چې افغان دولت یې د پوره کولو توان نه لري بیا به هم ولس او هم نړیوالو ته مالومه شي، بیا هغه وخت دوی په ډاګه ویلی شي چې افغان دولت یې د غوښتنو پوره کولو توان نه لري نو ځکه خو دوی غواړي له امریکایانو سره خبرې وکړي، خو له هغه مخکې دا ډول پلمې بې ځایه او د نورو غوښتنې او موخې منعکسوي. په پای کې دا ویل هم غواړم چې که طالبان پر خپل دغه دریځ ټینګ ودرېږي ان که امریکایان خبرو ته هم ور سره چمتو شي، په زغرده ویلی شو چې افغان دوښمنه استخباراتي شبکه به یې داسې دریځ ته اړ کړي چې د افغانانو ملي ګټو پرځای د نورو پر ګټو به ټینګار وکړي چې دا به افغان ولس ته نه جبرانېدونکي زیانونه ولري.

293 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2