Categories

اعلان

Loading…

په لاره تلونکي الیکترونکی موټر به په خپله چارجېږي

تاند- د بریتانیا پر سړکونو د الیکترونیکي موټرو د تګ په مهال د هغو د چارج کېدو لپاره د ۵۳ ملیون ډالري پروژې وړاندیز شوی دی.

د ډیلي مېل ورځپاڼې د راپور له مخې، د دې پروژې د عملي کېدو په صورت کې به پر سړکونو داسې پډونه نصب کېږي چې الیکترونیکي موټر پر هغو د تېرېدو په ترڅ کې په بې سیم یا وایرلس ډول چارج کېږي.

پډونه به د موټرلاندې برښنا یا انرژي لېږدوي او د بېټرۍ چارج به ورزیاتوي.

دې ته ورته میتود د (Scalextric) د لوبو په موټرونو کې کارول کېږي.

د دې بې سیم طریقې ښېګڼه دا ده چې د موټر او سړک ترمنځ فزیکي تماس ته هیڅ راز اړتیا نشته. بې له شکه چې ټایر برښنا نه شي انتقالولی.

اکثره پرمختتلي هیوادونه د دې لپاره چې د تېلو له شره ځان او خپلې ټولنې خلاصې کړي د الیکترونیک یا برښنايي موټرو ملاتړ کوي.

په تېلو چلېدونکي موټر نه یوازې چاپېریال بلکې د انسانانو روغتیا ته زیات زیانونه لري.

24 total views, 3 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *