Categories

اعلان

Loading…

حکمتیار له طالبانو وغوښتل چې د امریکا پر ځای له افغانانو سره خبرې وکړي

تاند- د اسلامي حزب مشر ګلبدین حکمتیار نن /سې شنبه/ په یوه خبري غونډه کې له طالبانو وغوښتل چې له امریکا سره د خبرو په ځای بین الافغاني خبرو ته ترجیح ورکړي.

«طالبانو ته زموږ سپارښتنه دا ده چې له امریکا سره د خبرو پر ځای بین الافغاني خبرې غوره کړي، ځکه چې د طالبانو عزت له افغانانو سره په خبرو کې دی.»

ده همداراز وویل، طالبان له سولې پرته بله لار نه لري ځکه هغه کسان چې د جګړې پر دوام ټینګار کوي له ماتې سره مخامخېږي. حکمتیار دا هم وویل چې په حکومت کې دننه هم ځینې کسان له سولې بېرېږي ځکه چې ګومان کوي چې د سولې په صورت کې به ماڼۍ له لاسه ورکړي او خلک به ورڅخه ځواب وغواړي چې دا شتمني یې له کومه پیدا کړه.

ايتلافونه ناکام دي

حکمتیار په خپلو خبرو کې له محقق، قانوني، باتور دوستم او د یو شمېر نورو ډلو له مشرانو سره خپلې وروستۍ غونډې ته په اشارې وویل، اسلامي حزب ايتلافونه ناکام بولي او د دوی وروستۍ غونډه هم د حکومت پر ضد د نوې جبهې د پرانیستلو لپاره نه وه.

خو حکمتیار د هغو غوښتنو یو وار بیا ملاتړ وکړ چې د سرینا هوټل په غونډه کې ده او نورو ګوندونو کړې وې.

ده د نوملیکنې اوسنۍ پروسه رد کړه، ویې ویل چې تر اعلان شوي شمېر ډېر لږ کسانو نوملیکنه کړې او باید د شفافو انتخاباتو لپاره له بایومیټریک سیستم څخه کار واخیستل شي.

د دوی دا غوښتنه ولسمشر غني او د انتخاباتو خپلواک کمیسیون په کلکه رد کړې ده.

د موقت حکومت مخالفت

حکمتیار د ګوندونو له نورو غوښتنو سره موافقه ونه ښوده، ویې ویل چې امکان نشته چې سیاسي ګوندونه دې د موقت حکومت د جوړېدو پر سر سلا وکړای شي ځکه چې هغوی حتي په خپل منځ کې هم موافقې ته نه شي سره رسېدای.

حکمتیار زیاته کړه چې د ملي یووالي د حکومت د ړنګېدو او د نوي حکومت د جوړېدو مخالف دی.

ده په عین حال کې وویل چې ځینې د موقت حکومت غوښتونکي دي او هغه هم د یوې یا دوو میاشتو لپاره نه بلکې د ۳ کلونو لپاره د موقت حکومت د جوړېدو هلې ځلې کوي.

ځینې راپورونه وايي چې پخوانی ولسمشر حامد کرزی هڅه کوي چې یوه موقت حکومت ته لاره هواره شي.

راپورونه وايي چې کرزی په دې هیله چې د موقت حکومت مشري به ده ته ورکړل شي، یو شمېر سیاسي ډلې هڅوي چې د حکومت خلاف راپورته شي.

قومي اختلاف ته لمن وهل

حکمتیار وویل چې ځینې منفور کسان د سیاسي ګوندونو له هویته قومي نفاق ته لمن وهي او د الیکترونیکي تذکرو مخالفت کوي.

ده پر سیاسي ګوندونو ږغ وکړ چې له دغو کسانو ځان خلاص کړي.

558 total views, no views today

onesignal_meta_box_present:
onesignal_send_notification:

1 comment

  1. عبدالله Reply

    له دې مالوميږي چې په هر شر او نفاق کې د عصر الفساد مشر والا مقام چپن پوش « حامد خان کرزایي » څرګند لاس دی. د دوی کړنې هم د شورای نظار ملي سرود ته ورته دي ، اسلام دین ما ست ، افغانستان به غ ….

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2