Categories

اعلان

Loading…

افغان کومانډو د طالبانو له بنده ۵۴ اسیران خوشي کړل

تاند- په هلمند کې د وسله والو طالبانو له یوه بنده د امنیتي ځواکونو په ګډون لږترلږه ۵۴ تنه اسیران خوشي کړل شول.

د هلمند د والي ویندوی عمر ځواک نن /سې شنبه/ وویل، دا بندیان تېره شپه په موسي کلا ولسوالي کې د کومانډو ځواک په حمله کې راخلاص شول.

د عمر ځواک په وینا په خوشي شویو اسیرانو کې ۳۲ ملکیان، ۱۶ پولیس، ۴ د اردو سرتېري او ۲ ډاکتران دي.

وسله والو طالبانو تراوسه پورې په دې اړه څه نه دي ویلي.

دا په وروستیو څو میاشتو کې په هلمند کې د کومانډو ځواک لږترلږه درېمه حمله ده چې د طالبانو پر محبسونو یې کوي او برمته کسان ورڅخه خلاصوي.

د سږ کال په مې میاشت کې افغان کومانډو ځواکونو په کجکي کې د طالبانو پر محبسونو په برید کې لږترلږه ۱۰۰ تنه بندیان خوشي کړل.

د فبرورۍ په میاشت کې یې په لغمان کې هم د طالبانو له بنده ۳۰ تنه خوشي کړي وو.

16 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *