Categories

اعلان

Loading…

په پالیسۍ جوړونه کې د ښځو دونډې اړتیا | ذکیه وردک

موږ نه یوازی یوه د جګړې نه وروسته جګړه ځپلې ټولنه یو، بلکې د ۱۹۷۸ زکال کال راپدیخوا د یو لړ سیمه ییزو، او جهاني قدرتونو د نیابتي جنګونو ډګر او د دوو ګاونډيو هیوادونو له لوري  د نا اعلان شوي جنګ سره لاس او پنجه نرموو. اوږدې جګړې زموږ فزیکي شتمني تخریب کړې او کابو له نیمی پېړۍ راپدیخوا د مغزونو له فراراو تیښتې سره لاس او ګریوان یوو.

جګړې د نارینه وو او ښځینه وو ترمنځ د شمیر، تعلیم او کاري فرصتونو په اړوند طبعي ټولنیز انډول له منځه وړی، د افغاني ټولنې دودیز جوړښت که په بشپړ ډول  لمنځه نه وي تللی، سخت زیانمن شوی دی. په ۱۹۹۱ زکال کال کې د دولت سقوط نه یوازې د افغانستان د اداري سیستم د فزیکي تخریب باعث شو، بلکې په ټولنه کې کلتوري او اخلاقي انحطاط هم رامنځ ته شو او د قانون حاکمیت له منځه ولاړ.

د نیمې پېړۍ دغه انکشافاتو زموږ په سیاسي، اقتصادي، تعلیمي او کلتوري ودې منفي اغیز کړی او اوس موږ د ژوند په هره برخه کې یوه غیرعادي ټولنه یو. زموږ په بشري جوړښت کې  یوې خوا د نارینه وو په تناسب د ښځو شمیر ډیر لوړ دی او د بلې خوا د جنګ او ترور په نتیجه کې هره ورځ زموږ ځوانان قرباني کیږي، د کونډو او معیوبو هېوادوالو شمیر هم زیاتیږي  چې دغه ظالمانه وده زموږ بشري جوړښت نور هم نا انډوله کوي. همدا اوس افغاني ټولنې ته ممکن د یو میلیون نه زیاتې کونډې او ددغه شمیر نه زیات یتیمان ورپه غاړه وي. د دې ودې ټول اقتصادې، کلتوري او روحي بار او فشار د ښځو په اوږو پروت دی. غربت، وروسته پاتې قبیلوي ذهنیت او کلتوري محدودیتونو د ښځو ژوند، د حرکت ساحه، تعلیمي او کاري فرصتونه او په مجموع کې د ښځو لپاره شرایط نور هم محدود کړي.

ددې حالت نه وتل، د یوویشتمې پیړۍ د غوښتونو سره په سمون، په اقتصادي لحاظ په ځان بسیا، په کلتوري لحاظ با زغمه، متمدنه او په سیمه کې د یوې سیالې ټولنې جوړول دقیق فکر، لنډمهاله، منځ مهاله او اوږدمهاله پلانونو او د توپیر نه پرته د هر افغان استعداد او انرژۍ ته ضرورت لري.

ښځې د افغانستان له نیمايي نه زیاته برخه نفوس جوړوي، په پریکړو او د ژوند په هره برخه کې ددوۍ د پراخ حضور نشتوالې نه یوازې زموږ ټولنه بدرنګه کوي، بلکي موږ په اوسنيو جنجالونو او ستوزو کې ښکیل ساتي. نو په پالیسۍ جوړونه، سیاسي، اقتصادي او کلتوري پریکړو کې د ښځو فعالې او متناسبې ونډه ته اړتیا لیدل کیږي او موږ ددغه ضرورت د رفع کولو پرته د اوسني حالت نه شو وتلی.

ما په خپل ټول فعال ژوند کې په مجموع کې د ښځو او په تیره بیا د کونډو او هغوۍ ته د ورپه غاړه یتمیانو د لاسنیوني او حقوقو د اعادې لپاره هلې ځلې کړې. په راتلونکې ولسي جرګه کې به په پالیسۍ جوونه کې د ښځو د ونډې  لپاره هلې ځلې زما د کاري پروګرام عمده برخه وي. 

1,402 total views, 2 views today

onesignal_meta_box_present:
1
onesignal_send_notification:

2 comments

  1. ع شريف زاد Reply

    سلام
    ملا ضعیف دیپلوماسی غواری او تہ پالیسی خو پتہ نہ لگیزی چی کوم دول؟ پہ کومو برخو کی
    زموز فرھنگ ، ھیواد ،ولس یی پیزنی او کہ نہ
    او کہ ھسی نوم یی غور دی

  2. حیات الله نیازی Reply

    ډیر ښه وردګ صاحبه لیکنه دې په زړه پورې وه خو ورستیو کرښو دې وخندولم هغه ځکه چې ښځې هم اوس چل بازې شوې بې له غرضه خوله نه خوزه وی.

Leave a Reply to ع شريف زاد Cancel reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2