Categories

اعلان

Loading…

د ناټو مشرانو له پاکستان، ایران او روسیې وغوښتل چې د افغانستان له بې ثباتۍ لاس واخلي

تاند- د ناټو مشرانو په بروکسل کې د خپلې سرمشریزې په پای کې له پاکستان، ایران او روسیې څخه وغوښتل چې د افغانستان د بې ثباته کولو پر ځای د سولې او ثبات په راوستلو کې د افغانستان د حکومت ملاتړ وکړي.

د ناټو په اعلامیه کې د افغانستان ګاونډیو – ایران او پاکستان ته، چې د افغانستان په بې ثباتۍ کې په لاس لرلو تورن دي، او دغه راز روسیې ته، چې ځینې چارواکي وايي طالبانو ته وسلې ورکوي، د انتقاد ګوته نیول شوې ده.

اعلامیه وايي، ناټو له پاکستان، ایران او روسیې څخه غواړي د افغانانو په مالکیت او مشرۍ د سولې د پروسې په بشپړ ملاتړ په سیمې کې د ثبات د ټینګښت لپاره هڅه وکړي.

په اعلامیه کې دغه راز ویل شوي، «په داسې حال کې چې د افغانستان حکومت د سولې او پخلاینې لپاره کار ته دوام ورکوي، موږ به تر ۲۰۱۴ پورې د افغان ځواکونو مالي ملاتړ جاري ساتو…»

ناټو تړون په خپله اعلامیه کې د غوڅ ملاتړ ماموریت په نوم په افغانستان کې د خپل ماموریت د ملاتړ د دوام ژمنه کړې ده او ویلي یې دي:

«موږ په افغانستان کې د تلپاتې سولې او ثبات د یقیني کولو لپاره د خپلې ژمنې پخلی کوو.»

د ناټو مشرانو یو وار بیا په افغانستان کې خپل ماموریت پر ملاتړ ټینګار وکړ.

دوی د سولې او پخلاینې لپاره طالبانو ته د افغانستان د ولسمشر محمد اشرف غني د وړاندیزونو ملاتړ وکړ او پر طالبانو یې هم ږغ وکړ چې د افغان ولسمشر وړاندیز ته مثبت ځواب ووايي.

دا تړون حاضردمه په افغانستان کې نژدې ۱۶ زره پوځیان لري چې لویه برخه یعني ۱۴ زره یې امریکايان دي.

onesignal_meta_box_present:
onesignal_send_notification:

1 comment

  1. A. Halim Hakimi Reply

    I was hoping to read one or half sentence about Taliban main demand related to the status of foreign troops in Afghanistan, but not even a word.

Leave a Reply

Your email address will not be published. Required fields are marked *