Categories

اعلان

Loading…

د امریکا د باندنیو چارو مرستیال وزیرې له حکمتیار سره د سولې پر امکاناتو خبرې وکړې

تاند- د امریکا د بهرنیو چارو مرستیال وزیرې الیس ویلز د افغانستان د اسلامي حزب له مشر ګلبدین حکمتیار سره د افغانستان د سولې پر امکاناتو خبرې وکړې.

د اسلامي حزب سرچینې وايي چې د جنوبي او منځنۍ اسیا په چارو کې د متحدو ایالتونو د بهرنیو چارو مرستیال وزیرې نن /سې شنبه/ له حکمتیار سره د نوموړي په استوګنځي کې وکتل.

دواړو خواوو د افغانستان د روانې جګړې د پای ته رسېدو پر لارو، د سولې د بهیر، راروانو انتخاباتو، د سیاسي ګوندونو د رول او د سولې د خبرو د پیل کېدو پر امکاناتو خبرې وکړې.

له الیس ویلز سره د حکمتیار د کتنې په مهال د اسلامي حزب یو شمېر نور مشران لکه غیرت بهیر، انجنیر محمد امین کریم، ډاکتر فاروق وردک او باختر امینزی حاضر ول.

دا له ۲۰۱۶ څخه چې حکمتیار د افغانستان له حکومت سره سوله کړې ده، لومړی ځل دی چې یوه امریکايي چارواکې له نوموړي سره ویني.

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *